بىشكەكتە تاۋەلسىزدىك كۇنىن تويلاۋعا 2 ميلليون سوم جۇمسالادى. بۇل تۋرالى مادەنيەت، سپورت، تۋريزم جانە جاستارمەن جۇمىس باسقارماسىنىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
مەرەكەلىك شارانىڭ ءبىرىنشى بولىگى شۇڭقىرشاق جايلاۋىندا وتەدى. تۇرعىندارعا بەدەلدى تۇلعالاردىڭ قاتىسۋىمەن تەاترلاندىرىلعان باعدارلاما ۇسىنىلادى.
سونداي-اق 31 تامىز كۇنى ساعات 19:30-دا «الا-توو» الاڭىندا مەرەكەلىك كونتسەرت ءوتىپ، جەرگىلىكتى ونەرپازدار ونەر كورسەتەدى.
اكىمدىك تاۋەلسىزدىك كۇنىنە وراي وتشاشۋ بولمايتىنىن مالىمدەدى.
بولىنگەن قارجى دىبىس تەحنيكاسىن، دەكوراتسيالاردى، رەكۆيزيتتەردى، كولىكتى جالعا الۋعا، شىعارماشىلىق قويىلىم توبىن جالداۋعا، 20 بيودارەتحانانى ورناتۋعا باعىتتالاتىن بولادى.
