"سىرتتا سۇراپىل سوعىس ءجۇرىپ جاتىر. ال سەن قازاق اسكەرى وتان الدىندا بورىشىن وتەۋگە بارعان وزىڭدەي قازاقتى بەيبىت زاماندا ءوز قولىڭمەن ءولتىرىپ جاتىرسىڭ. دەدوۆششينا جاساپ، وزىڭدەي جىراقتا جۇرگەن بەيشارانىڭ جوق اقشاسىن سورىپ قالۋعا قۇمارسىڭ. بۇل ناعىز ەرىككەن ەسسىزدىڭ، مەيىرىمسىز ادامنىڭ تىرلىگى". بۇل پىكىردى بەلگىلى كاسىپكەر ءامىر ماۋلەنوۆ ءوزىنىڭ ينستاگرام پاراقشاسىندا جاريالاپ، اسكەردەگى ساربازدارعا ۇندەۋ تاستادى، دەپ جازادى "ادىرنا" ۇلتتىق پورتالى.
"توڭىرەكتەگى گەوساياسي جاعداي ۋشىعىپ تۇرعان كەزدە اسكەردە جۇرگەن قازاق جىگىتتەرى ويىندى قويۋ كەرەك. قازىر ءبىر ءسات تىنىشتىق الىپ، ويلاناتىن، بىرىگەتىن شاق. قىسقاسى، ەتەك-جەڭىمىزدى جيىپ، ميىمىزدى قوزعاپ، جيناقتالاتىن ۋاقىت بولىپ تۇر. جاسىڭ 20-عا كەلسە دە، ەلدىڭ ەرتەڭىن ويلاي الاتىن ساناڭ بولماسا رۋحاني مۇگەدەكسىڭ. ءسوز سۇيەكتەن وتەدى دەگەن. جانىنا باتسا، ەسىڭدى جي! سىرتتا سۇراپىل سوعىس ءجۇرىپ جاتىر. انا بالادان، اكە باۋىردان ايىرىلىپ جاتىر. ال سەن قازاق اسكەرى وتان الدىندا بورىشىن وتەۋگە بارعان وزىڭدەي قازاقتى بەيبىت زاماندا ءوز قولىڭمەن ءولتىرىپ جاتىرسىڭ. بۇل ناعىز ەرىككەن ەسسىزدىڭ، مەيىرىمسىز ادامنىڭ تىرلىگى. دەدوۆششينا جاساپ، قولىننان كەلگەنىن ىستەپ، وزىڭدەي جىراقتا جۇرگەن بەيشارانىڭ جوق اقشاسىن سورىپ قالۋعا قۇمارسىڭ. جانىڭ قينايسىڭ، ولىمگە يتەرمەلەيسىڭ. قىسقاسى، اسكەردە تەمىردەي ءتارتىپ بولماي تۇر. ءتارتىپتى ورناتاتىن دا، باقىلايتىن دا باسشىلىق قورعانىس ءمينيسترى ءوزى بارىپ باقىلاماسا دا، قولاستى كومانديرلەرى ءوز بولىمشىسىندەگى تارتىپكە، ساربازدىڭ اماندىعىنا جاۋاپتى بولۋى كەرەك. قولاستىنداعى ەلدىڭ بالالارى ءبىر-ءبىرىن توناپ، تەپكىگە الىپ، كەمسىتىپ جاتقانىن كورە تۇرا نەمقۇرايلى قاراۋ قىلمىسقا پارا-پار ءىس. اقشا دەگەن تۇسىنىكتى ارميادان ءبىر جولا توقتاتۋ كەرەك. رەفورما وسىدان باستالسىن. اسكەرگە بارعان ۇلدىڭ اقشا تۋرالى ويلايتىن شاماسى بولماۋى كەرەك. ", - دەيدى ءامىر ماۋلەنوۆ.
"ادىرنا" ۇلتتىق پورتالى
