"Syrtta surapyl soǵys júrip jatyr. Al sen qazaq áskeri Otan aldynda boryshyn óteýge barǵan ózińdeı qazaqty beıbit zamanda óz qolyńmen óltirip jatyrsyń. Dedovına jasap, ózińdeı jyraqta júrgen beısharanyń joq aqshasyn soryp qalýǵa qumarsyń. Bul naǵyz erikken essizdiń, meıirimsiz adamnyń tirligi". Bul pikirdi belgili kásipker Ámir Máýlenov óziniń ınstagram paraqshasynda jarııalap, áskerdegi sarbazdarǵa úndeý tastady, dep jazady "Adyrna" ulttyq portaly.
"Tóńirektegi geosaıası jaǵdaı ýshyǵyp turǵan kezde áskerde júrgen qazaq jigitteri oıyndy qoıý kerek. Qazir bir sát tynyshtyq alyp, oılanatyn, birigetin shaq. Qysqasy, etek-jeńimizdi jıyp, mıymyzdy qozǵap, jınaqtalatyn ýaqyt bolyp tur. Jasyń 20-ǵa kelse de, eldiń erteńin oılaı alatyn sanań bolmasa rýhanı múgedeksiń. Sóz súıekten ótedi degen. Janyna batsa, esińdi jı! Syrtta surapyl soǵys júrip jatyr. Ana baladan, áke baýyrdan aıyrylyp jatyr. Al sen qazaq áskeri Otan aldynda boryshyn óteýge barǵan ózińdeı qazaqty beıbit zamanda óz qolyńmen óltirip jatyrsyń. Bul naǵyz erikken essizdiń, meıirimsiz adamnyń tirligi. Dedovına jasap, qolynnan kelgenin istep, ózińdeı jyraqta júrgen beısharanyń joq aqshasyn soryp qalýǵa qumarsyń. Janyń qınaısyń, ólimge ıtermeleısiń. Qysqasy, áskerde temirdeı tártip bolmaı tur. Tártipti ornatatyn da, baqylaıtyn da basshylyq Qorǵanys mınıstri ózi baryp baqylamasa da, qolasty komandırleri óz bólimshisindegi tártipke, sarbazdyń amandyǵyna jaýapty bolýy kerek. Qolastyndaǵy eldiń balalary bir-birin tonap, tepkige alyp, kemsitip jatqanyn kóre tura nemquraıly qaraý qylmysqa para-par is. Aqsha degen túsinikti armııadan bir jola toqtatý kerek. Reforma osydan bastalsyn. Áskerge barǵan uldyń aqsha týraly oılaıtyn shamasy bolmaýy kerek. ", - deıdi Ámir Máýlenov.
"Adyrna" ulttyq portaly
