رەسەي قازاقستاننان مىڭعا جۋىق اسكەري قىزمەتشىسىن شىعارا الماي وتىر. ساربازدار ۋكرايناعا بارىپ سوعىسۋعا قورقادى. بۇل تۋرالى ۋكراينا قورعانىس مينيسترلىگىنە قاراستى باس بارلاۋ باسقارماسى حابارلادى، دەپ جازادى "ادىرنا" ۇلتتىق پورتالى.
"رەسەي 2022 جىلدىڭ قاڭتارىندا ۇكىمەتكە قارسى نارازىلىقتاردى باسۋ ءۇشىن قازاقستانعا ءوز اسكەرلەرىن ەنگىزدى. وسى ۋاقىتقا دەيىن ەل اۋماعىندا تولىق قارۋ-جاراق پەن جابدىقتارى بار رەسەي فەدەراتسياسىنىڭ 1 مىڭعا جۋىق ساربازى بار", دەلىنگەن حابارلامادا.
بارلاۋ دەرەكتەرىنە سايكەس، ولار قازاقستاننىڭ ماڭىزدى ينفراقۇرىلىمدىق نىساندارىنىڭ ماڭىندا: مۇناي بازالارى، اەرودرومدار، پوليگوندار ماڭىندا، سونداي-اق بايقوڭىر عارىش ايلاعى ماڭىندا ورنالاستىرىلعان.
"رەسەي ولاردى ەلگە قايتارۋ شارالارىن جۇرگىزىپ جاتىر. الايدا ساربازدار ەلگە ورالۋدان باس تارتىپ وتىر. سەبەبى، ولار ۋكرايناعا بارىپ سوعىسۋعا قورقادى", - دەلىنگەن مالىمدەمەدە.
ولار رەسەي مەن ۋكراينا اراسىنداعى قاقتىعىستا جۇمىس كۇشىنىڭ جەتىسپەۋشىلىگىن وتەۋ ءۇشىن باسقا ەلدەردەگى اسكەريلەردىڭ سانىن كۇرت ازايتۋعا ءماجبۇر بولعانىن ايتتى. سونىمەن، ارمەنيا مەن تاجىكستاننان رەسەي قارۋلى كۇشتەرىنىڭ كونتينگەنتتەرى تولىعىمەن دەرلىك شىعارىلدى.
"ادىرنا" ۇلتتىق پورتالى
