Reseı Qazaqstannan myńǵa jýyq áskerı qyzmetshisin shyǵara almaı otyr. Sarbazdar Ýkraınaǵa baryp soǵysýǵa qorqady. Bul týraly Ýkraına qorǵanys mınıstrligine qarasty bas barlaý basqarmasy habarlady, dep jazady "Adyrna" ulttyq portaly.
"Reseı 2022 jyldyń qańtarynda úkimetke qarsy narazylyqtardy basý úshin Qazaqstanǵa óz áskerlerin engizdi. Osy ýaqytqa deıin el aýmaǵynda tolyq qarý-jaraq pen jabdyqtary bar Reseı Federaııasynyń 1 myńǵa jýyq sarbazy bar", delingen habarlamada.
Barlaý derekterine sáıkes, olar Qazaqstannyń mańyzdy ınfraqurylymdyq nysandarynyń mańynda: munaı bazalary, aerodromdar, polıgondar mańynda, sondaı-aq Baıqońyr ǵarysh aılaǵy mańynda ornalastyrylǵan.
"Reseı olardy elge qaıtarý sharalaryn júrgizip jatyr. Alaıda sarbazdar elge oralýdan bas tartyp otyr. Sebebi, olar Ýkraınaǵa baryp soǵysýǵa qorqady", - delingen málimdemede.
Olar Reseı men Ýkraına arasyndaǵy qaqtyǵysta jumys kúshiniń jetispeýshiligin óteý úshin basqa elderdegi áskerılerdiń sanyn kúrt azaıtýǵa májbúr bolǵanyn aıtty. Sonymen, Armenııa men Tájikstannan Reseı Qarýly kúshteriniń kontıngentteri tolyǵymen derlik shyǵaryldy.
"Adyrna" ulttyq portaly
