«AMANAT» پارتياسىنىڭ اتقارۋشى حاتشىسى اسحات ورالوۆ ماڭعىستاۋ وبلىسىندا جۇرتشىلىقپەن، اۋىلدىق وكرۋگ تۇرعىندارىمەن، باستاۋىش پارتيا ۇيىمدارىنىڭ باسشىلارىمەن بىرقاتار كەزدەسۋلەر وتكىزدى. سونداي-اق، پارتيانىڭ سايلاۋالدى باعدارلاماسىن ىسكە اسىرۋ اياسىندا سالىنىپ جاتقان الەۋمەتتىك نىسانداردىڭ قۇرىلىس بارىسىن تەكسەردى.
اسحات ورالوۆ ءماجىلىس دەپۋتاتى ەدىل جاڭبىرشينمەن، اۋىل شارۋاشىلىعى ۆيتسە-ءمينيسترى ءابىلحايىر تامابەكپەن، قوعام قايراتكەرى مۇرات ابەنوۆپەن جانە «جەر اماناتى» كوميسسياسىنىڭ وزگە دە مۇشەلەرىمەن بىرگە تاۋشىق اۋىلىندا تۇپقاراعان اۋدانىنىڭ تۇرعىندارىمەن كەزدەسىپ، جايىلىمدىق جەرلەردىڭ جەتىسپەۋشىلىگى جانە قۇنارسىزدانۋى ماسەلەلەرىن تالقىلادى.
اۋىل اقساقالى امانگەلدى ءجۇنباسوۆتىڭ ايتۋىنشا، اۋىل تۇرعىندارىنىڭ مال جاياتىن جەرى بولماي وتىر. ال، جاقىن ماڭداعى جايىلىمداردىڭ مەنشىك يەلەرى جەرگىلىكتى تۇرعىنداردىڭ مال جايۋىنا رۇقسات ەتپەيدى. سوندىقتان جەكە قوسالقى شارۋاشىلىقتارعا ارنالعان جايىلىمداردىڭ اۋماعىن كەڭەيتۋ ماسەلەسى وزەكتى بولىپ وتىر.
«AMANAT» پارتياسى مەملەكەت باسشىسىنىڭ قوعامدىق تىرەگى رەتىندە جاڭا، ادىلەتتى قازاقستاندى قۇرۋ جۇمىسىنا ۇلكەن ۇلەس قوسىپ كەلەدى. پرەزيدەنتتىڭ پايدالانىلماي جاتقان جايىلىمدىق جەرلەردى مەملەكەت مەنشىگىنە قايتارۋ جونىندەگى تاپسىرماسى ورىندالىپ جاتىر. سونىڭ ناقتى دالەلى: «جەر اماناتى» كوميسسياسىنىڭ اتسالىسۋىمەن ماڭعىستاۋ وبلىسىندا 240 000 گەكتار جەر مەملەكەتكە قايتارىلدى. بۇل جۇمىستى ەلىمىزدىڭ بارلىق ايماعىندا جالعاستىرامىز»، – دەپ اتاپ ءوتتى اسحات ورالوۆ.
ءوز كەزەگىندە، ماجىلىستەگى «AMANAT» فراكتسياسىنىڭ دەپۋتاتى ەدىل جاڭبىرشين قۇرامىنا اۋىل شارۋاشىلىعى مينيسترلىگىنىڭ، پروكۋراتۋرانىڭ وكىلدەرى، پارتيا دەپۋتاتتارى، زاڭگەرلەر، قوعام قايراتكەرلەرى، جۋرناليستەر كىرەتىن كوميسسيانىڭ كومەگىمەن سەگىز وڭىردە مەملەكەت مەنشىگىنە 350 مىڭ گەكتاردان استام اۋىل شارۋاشىلىعى جەرى قايتارىلعانىن اتاپ ءوتتى.
بۇدان سوڭ، پارتيانىڭ اتقارۋشى حاتشىسى مۇنايلى اۋدانى باسقۇدىق اۋىلىندا 600 ورىندىق مەكتەپتىڭ قۇرىلىس بارىسىن تەكسەردى. جاڭا ءبىلىم وشاعى «AMANAT»-تىڭ سايلاۋالدى باعدارلاماسىن ىسكە اسىرۋ اياسىندا سالىنىپ جاتىر. بيىل مەكتەپ پايدالانۋعا بەرىلگەننەن كەيىن، اۋىلدا ءۇش اۋىسىمدا ءبىلىم بەرۋ جانە بالالاردى وزگە اۋىلداردىڭ مەكتەپتەرىنە الىپ بارىپ وتىرۋ ماسەلەسى شەشىلەدى.
سونداي-اق، اسحات ورالوۆ اقتاۋ قالاسىنىڭ 19ا شاعىن اۋدانىنداعى 432 پاتەرلىك كوپ قاباتتى ۇيلەردىڭ قۇرىلىسىمەن تانىستى. نىسان قۇرىلىسىن جىل سوڭىنا دەيىن اياقتاۋ جوسپارلانىپ وتىر. پارتيانىڭ سايلاۋالدى ۋادەلەرىنە سايكەس، تۇرعىن ءۇي كەزەكتە تۇرعاندارعا، سونىڭ ىشىندە حالىقتىڭ وسال توبىنا بولىنەدى.
ەكى نىساندا دا قۇرىلىس ساپاسىن، بولىنگەن قاراجاتتىڭ ءتيىمدى يگەرىلۋىن، قاۋىپسىزدىك تەحنيكاسى ەرەجەلەرىنىڭ ساقتالۋىن جانە جۇمىسشىلاردىڭ الەۋمەتتىك جاعدايىن قاداعالايتىن پارتيالىق باقىلاۋ بەكەتتەرى اشىلعانىن اتاپ وتكەن ءجون.
سول كۇنى «AMANAT»-تىڭ اتقارۋشى حاتشىسى وبلىستاعى باستاۋىش پارتيا ۇيىمدارىنىڭ باسشىلارىمەن كەزدەستى. بۇگىندە وڭىردە 16 مىڭنان استام پارتيا مۇشەلەرىن بىرىكتىرەتىن 102 بپۇ جۇمىس ىستەيدى.
«مۇنداي كەزدەسۋلەر اماناتتىقتاردى تولعاندىراتىن ماسەلەلەردى ءبىلىپ وتىرۋعا مۇمكىندىك بەرەدى. سەبەبى، باستاۋىش پارتيا ۇيىمدارى – پارتيانىڭ نەگىزى. سونىمەن قاتار، پارتيانىڭ جاڭا ساياسي تۇعىرناماسىن ازىرلەۋ كەزىندە قاتارداعى پارتيا مۇشەلەرىنىڭ پىكىرى ەسكەرىلەدى. بۇگىندە بپۇ-نى ىرىلەندىرۋ، ولاردىڭ الەۋەتىن كۇشەيتۋ جونىندە جۇمىس جۇرگىزىلۋدە. بپۇ باستامالارىن قولداۋ ماقساتىندا جەرگىلىكتى جەرلەردە جوبالاردى ىسكە اسىرۋ ءۇشىن پارتيالىق جارنالاردىڭ 20%-ىن قايتارىپ بەرۋ تاجىريبەسىن ەنگىزدىك»، – دەدى اسحات ورالوۆ.
