«AMANAT» partııasy Mańǵystaý oblysynda 240 myń gektar jerdi memleket menshigine qaıtardy

1769
Adyrna.kz Telegram

«AMANAT» partııasynyń Atqarýshy hatshysy Ashat Oralov Mańǵystaý oblysynda jurtshylyqpen, aýyldyq okrýg turǵyndarymen, bastaýysh partııa uıymdarynyń basshylarymen birqatar kezdesýler ótkizdi. Sondaı-aq, partııanyń saılaýaldy baǵdarlamasyn iske asyrý aıasynda salynyp jatqan áleýmettik nysandardyń qurylys barysyn tekserdi.

Ashat Oralov Májilis depýtaty Edil Jańbyrshınmen, Aýyl sharýashylyǵy vıe-mınıstri Ábilhaıyr Tamabekpen, qoǵam qaıratkeri Murat Ábenovpen jáne «Jer amanaty» komıssııasynyń ózge de múshelerimen birge Taýshyq aýylynda Túpqaraǵan aýdanynyń turǵyndarymen kezdesip, jaıylymdyq jerlerdiń jetispeýshiligi jáne qunarsyzdanýy máselelerin talqylady.

Aýyl aqsaqaly Amangeldi Júnbasovtyń aıtýynsha, aýyl turǵyndarynyń mal jaıatyn jeri bolmaı otyr. Al, jaqyn mańdaǵy jaıylymdardyń menshik ıeleri jergilikti turǵyndardyń mal jaıýyna ruqsat etpeıdi. Sondyqtan jeke qosalqy sharýashylyqtarǵa arnalǵan jaıylymdardyń aýmaǵyn keńeıtý máselesi ózekti bolyp otyr.

«AMANAT» partııasy Memleket basshysynyń qoǵamdyq tiregi retinde Jańa, Ádiletti Qazaqstandy qurý jumysyna úlken úles qosyp keledi. Prezıdenttiń paıdalanylmaı jatqan jaıylymdyq jerlerdi memleket menshigine qaıtarý jónindegi tapsyrmasy oryndalyp jatyr. Sonyń naqty dáleli: «Jer amanaty» komıssııasynyń atsalysýymen Mańǵystaý oblysynda 240 000 gektar jer memleketke qaıtaryldy. Bul jumysty elimizdiń barlyq aımaǵynda jalǵastyramyz», – dep atap ótti Ashat Oralov.

Óz kezeginde, Májilistegi «AMANAT» frakııasynyń depýtaty Edil Jańbyrshın quramyna Aýyl sharýashylyǵy mınıstrliginiń, prokýratýranyń ókilderi, partııa depýtattary, zańgerler, qoǵam qaıratkerleri, jýrnalıster kiretin komıssııanyń kómegimen segiz óńirde memleket menshigine 350 myń gektardan astam aýyl sharýashylyǵy jeri qaıtarylǵanyn atap ótti.

Budan soń, partııanyń Atqarýshy hatshysy Munaıly aýdany Basqudyq aýylynda 600 oryndyq mekteptiń qurylys barysyn tekserdi. Jańa bilim oshaǵy «AMANAT»-tyń saılaýaldy baǵdarlamasyn iske asyrý aıasynda salynyp jatyr. Bıyl mektep paıdalanýǵa berilgennen keıin, aýylda úsh aýysymda bilim berý jáne balalardy ózge aýyldardyń mektepterine alyp baryp otyrý máselesi sheshiledi.

Sondaı-aq, Ashat Oralov Aqtaý qalasynyń 19A shaǵyn aýdanyndaǵy 432 páterlik kóp qabatty úılerdiń qurylysymen tanysty. Nysan qurylysyn jyl sońyna deıin aıaqtaý josparlanyp otyr. Partııanyń saılaýaldy ýádelerine sáıkes, turǵyn úı kezekte turǵandarǵa, sonyń ishinde halyqtyń osal tobyna bólinedi.

Eki nysanda da qurylys sapasyn, bólingen qarajattyń tıimdi ıgerilýin, qaýipsizdik tehnıkasy erejeleriniń saqtalýyn jáne jumysshylardyń áleýmettik jaǵdaıyn qadaǵalaıtyn partııalyq baqylaý beketteri ashylǵanyn atap ótken jón.

Sol kúni «AMANAT»-tyń Atqarýshy hatshysy oblystaǵy bastaýysh partııa uıymdarynyń basshylarymen kezdesti. Búginde óńirde 16 myńnan astam partııa múshelerin biriktiretin 102 BPU jumys isteıdi.

«Mundaı kezdesýler amanattyqtardy tolǵandyratyn máselelerdi bilip otyrýǵa múmkindik beredi. Sebebi, bastaýysh partııa uıymdary – partııanyń negizi. Sonymen qatar, partııanyń jańa Saıası tuǵyrnamasyn ázirleý kezinde qatardaǵy partııa músheleriniń pikiri eskeriledi. Búginde BPU-ny irilendirý, olardyń áleýetin kúsheıtý jóninde jumys júrgizilýde. BPU bastamalaryn qoldaý maqsatynda jergilikti jerlerde jobalardy iske asyrý úshin partııalyq jarnalardyń 20%-yn qaıtaryp berý tájirıbesin engizdik», – dedi Ashat Oralov.

Pikirler