«قازاقستان كۆن وداعىنىڭ» پرەزيدەنتى ەسەن ەلەۋكەن اسكەردەگى سارباز ءولىمىنىڭ كوبەيۋىنە بايلانىستى پىكىر ءبىلدىردى، دەپ حابارلايدى «ادىرنا» ءتىلشىسى.
«اسكەرگە كەتكەن بالالاردىڭ ءولىمى توقتاماي وتىر. بۇل نە بولىپ كەتتى؟ سوعىس بولماي، اسكەر قىرىلىپ بىتەتىن سەكىلدى عوي.
سوڭعى ءبىر ايدا شەكارا قىزمەتىنىڭ ەكى ساربازى قايتىس بولىپتى دەپ جاتىر. ۇقك-گە قارايدى عوي. دەمەك، بۇل ءولىمنىڭ بارىنە ۇقك باسشىسى مەن قورعانىس ءمينيسترى قاتار جاۋاپ بەرۋى ءتيىس. قورعانىس مينيسترلىگى شەكارا بىزگە قارامايدى دەپ جاتىر.
اسكەرگە دەنساۋلىعى وتە جاقسى، ىرىكتەلگەن جىگىتتەر بارادى. ال ولاردىڭ قارنى اشىپ نەمەسە پسيحولوگياسى ناشار بولىپ ولە سالاتىن بولسا، اۋداندىق ۆوەنكوماتتان باستاپ تەكسەرۋ كەرەك شىعار.
نە دە بولسا، بۇكىل كۇشتىك قۇرىلىمدى قايتا رەفورمالايتىن، جاي قۇرىلىمدىق ەمەس، نولدەن باستاپ، پسيحولوگيا، فيلوسوفياسىنان باستاپ وزگەرتەتىن كەز كەلدى.
جاڭا قازاقستان قىرىلۋمەن ەستە قالماسىن تاريحتا...»—دەدى ول.
