قازاقستاندا ءوز مىندەتىنە سالعىرت قاراعان جوعارى ورىندارىنا قاتىستى 15 سوت ءىسى قارالىپ جاتىر. بۇل تۋرالى قر عىلىم جانە جوعارى ءبىلىم ءمينيسترى ساياسات نۇربەك ايتتى، دەپ حابارلايدى “ادىرنا” ۇلتتىق پورتالى.
بۇگىن نۇر-سۇلتاندا ءوتىپ جاتقان «ادامي كاپيتال - جاڭا قازاقستان دامۋىنىڭ نەگىزگى رەسۋرسى» فورۋمىندا تىلشىلەر مينيستردەن «ديپلوم تاراتۋمەن» اينالىساتىن جوعارى وقۋ ورىندارىنا قاتىستى قانداي شارالار قابىلدانىپ جاتقانى جايىندا سۇرادى.
«بۇعان دەيىن ءبىلىم جانە عىلىم مينيسترلىگى تەك ديپلوم تاراتۋمەن اينالىسىپ جۇرگەن جوو-لاردى جابۋ بويىنشا اۋقىمدى جۇمىستى اتقاردى. بۇل باعىتتاعى جۇمىستار جالعاسادى. قازىرگى كەزدە 15-كە جۋىق سوت ءىسى قارالىپ جاتىر. دەگەنمەن بۇل ۋنيۆەرسيتەتتەر تۇگەلدەي جابىلادى دەگەندى بىلدىرمەيدى»، - دەدى ساياسات نۇربەك.
ءمينيستردىڭ ايتۋىنشا، جوعارى ءبىلىم سالاسىنداعى ساپا ماسەلەسىنە ەرەكشە ءمان بەرىلىپ وتىر.
«مينيستر رەتىندە ءبىرىنشى كەزەكتە ءبىلىم ساپاسىنا جاۋاپ بەرەمىن. جالپى، بارشا ءبىلىم بەرۋ جۇيەسى بۇل ۇستانىمعا ەرەكشە نازار اۋدارعانى ءجون. ەگەر جوعارى وقۋ ورنى مينيسترلىك ايقىنداعان رەگلامەنتكە ساي كەلمەسە، ءبىز بۇل ماسەلەنى قاتاڭ باقىلاۋعا الامىز»، - دەدى ۆەدومستۆو باسشىسى.
“ادىرنا” ۇلتتىق پورتالى
