بۇگىن استانادا قازاقستان رەسپۋبليكاسىنىڭ پرەزيدەنتتىگىنە «اۋىل» حالىقتىق-دەموكراتيالىق پاتريوتتىق پارتياسىنان كانديدات جيگۋلي دايراباەۆتىڭ رەسپۋبليكالىق شتابىنىڭ رەسمي اشىلۋى ءوتتى.
كانديداتتىڭ رەسپۋبليكالىق شتابىنىڭ باسشىسى تولەۋتاي راحىمبەكوۆ شتاب جۇمىسىن اشا وتىرىپ، قۇتتىقتاۋ ءسوز سويلەدى. ول كانديداتتى تانىستىرىپ، سايلاۋ ناۋقانىن وتكىزۋ جوسپارلارى تۋرالى ايتتى.
«ۇگىت-ناسيحات جۇمىستارىمەن قازاقستاننىڭ بارلىق ەلدى-مەكەنىن، اتاپ ايتقاندا 88 قالانى، 30 كەنتتى، بارلىق 20 وڭىردە ورنالاسقان 6 000-نان استام اۋىلدىق ەلدى مەكەندى قامتۋدى جوسپارلاپ وتىرمىز. ءبىزدىڭ كانديدات پەن سەنىمدى تۇلعالاردىڭ ساپارلارى «ەسىكتەن ەسىككە» فورماتىندا وتەدى. بارلىق ءىس-شارا ۋاقىتىندا وتكىزىلەدى. «اۋىل» پارتياسىنان كانديدات جيگۋلي دايراباەۆتىڭ باعدارلاماسى مەن ۇسىنىستارى ءوز جاقتاستارىن تابادى دەپ ۇمىتتەنەمىز»، – دەپ اتاپ ءوتتى تولەۋتاي راحىمبەكوۆ.
ونىڭ ايتۋىنشا، كانديداتتى قولداۋ جونىندەگى شتابتار رەسپۋبليكالىق ماڭىزى بار ءۇش قالانى قوسا العاندا، ەلىمىزدىڭ بارلىق 20 وڭىرىندە بار. سونداي-اق، بارلىق 164 اۋداندا جانە 37 وبلىستىق دەڭگەيدەگى قالادا 222 شتاب ۇيىمداستىرىلدى. بارلىق قوعامدىق شتاب ۇگىت-ناسيحات جۇمىستارىنا قاجەتتى زاتپەن تولىق قامتاماسىز ەتىلگەن.
ءوز سوزىندە قازاقستان رەسپۋبليكاسىنىڭ پرەزيدەنتتىگىنە كانديدات جيگۋلي دايراباەۆ پارتيا مۇشەلەرىنە سەنىم بىلدىرگەنى ءۇشىن العىس ايتىپ، ءىس-شاراعا قاتىسۋشىلاردى ءوزىنىڭ سايلاۋالدى باعدارلاماسىمەن تانىستىردى.
«مەنىڭ سايلاۋالدى باعدارلامام ءبىزدىڭ باستى ۇلتتىق ارتىقشىلىقتارىمىز – دالا دەموكراتياسى قاعيداتتارىن; جوعارى رۋحاني-ادامي مادەنيەتتى; كۇشتى اگرارلىق سالانى جانە مىقتى وڭىرلەردى بارىنشا ىسكە اسىرۋعا نەگىزدەلگەن جاڭا قازاقستاندى قۇرۋعا باعىتتالعان. اتا – بابا مۇراسىن قاستەرلەپ قۇرمەتتەيتىن جانە ۇلتتىڭ بولاشاعى ءۇشىن شىن پەيىلمەن الاڭدايتىن ءاربىر قازاقستاندىق مەنىڭ باستامالارىمدى قولدايتىنىنا جانە قازاقستان رەسپۋبليكاسىن ودان ءارى دامىتۋ جونىندەگى ورتاق ءىستىڭ قوزعاۋشى كۇشىنە اينالاتىنىنا سەنىمدىمىن»، – دەدى كانديدات جيگۋلي دايراباەۆ.
سونىمەن قاتار ءىس-شارادا كانديداتتىڭ جاقتاستارى، فەرمەرلەر مەن پارتيانىڭ جاستار قاناتىنىڭ بەلسەندىلەرى ءسوز سويلەپ، قولداۋ ءبىلدىردى.
«اۋىل» حدپپ ءباسپاسوز قىزمەتى
8 701 055 25 52 auyl_pressa@mail.ru
"ادىرنا" ۇلتتىق پورتالى
