بەكبولات تىلەۋحان: مەنى سىناعانداردىڭ ءبارى دە شايتان مەن ءىبىلىستىڭ اسكەرى (ۆيدەو)

5012
Adyrna.kz Telegram

"مەنى سىناعانداردىڭ ءبارى دە شايتان مەن ءىبىلىستىڭ اسكەرى. ولار مەنىمەن ايقاسىپ جاتقان جوق. مەندەگى دىنمەن ايقاسىپ جاتىر". بۇل پىكىردى ءماجىلىستىڭ ەكس-دەپۋتاتى بەكبولات تىلەۋحان نارتاي ارالبايۇلىنا بەرگەن سۇحباتىندا ايتتى، دەپ جازادى "ادىرنا" ۇلتتىق پورتالى. 

"مەنىڭ ءدىنىم بار. شايتاندار ءبىر ءسات قالعىمايدى. ولار مەنىمەن ايقاسىپ جاتقان جوق. مەندەگى دىنمەن ايقاسىپ جاتىر. مەندەگى يمانمەن ايقاسىپ جاتىر. سوندىقتان يمانى بار ادام مەن ولارعا جامان پرەتەندەنتپىن. مۇسىلمان ادام، ناماز وقيتىن ادام مىنانداي نارسە جاساۋى مۇمكىن دەگەن نارسەنى جوققا شىعارۋ ءۇشىن ولار بارىن سالادى. ولاردىڭ ولتىرۋگە تايىنبايتىنىنا كەيىنگى كەزدە كوزىم جەتىپ جاتىر", - دەيدى بەكبولات تىلەۋحان.

ءجۋرناليستتىڭ "سىناۋشىلار ما؟" دەگەن سۇراعىنا تىلەۋحان "سىناۋشىلار ەمەس، ولار شايتان - ىبىلىستەر" دەپ جاۋاپ بەردى...

"سىناۋشىلار ەمەس شايتان، مالعۇن بار عوي. شايتان - ءىبىلىس دەيتىن... نەگىزى راس ول. بار نارسە. ءىبىلىس دەيدى، ساتانا دەيدى، شايتان، مالعۇن دەيدى. سول شايتان، مالعۇننىڭ اسكەرى بولادى. سول اسكەردىڭ قۇرامى ءارتۇرلى ۇلتتان بولادى. شايتاننىڭ اسكەرى قازاقتا دا بولادى، ورىستا دا بولادى. باسقادا دا بولادى دەگەن سياقتى عوي. سول اسكەردىڭ نەگىزگى ايقاساتىن ادامى وسى يماندى ادام. ايتپەسە، شىنىندا دا مەن نە جاساپ قويدىم؟ ەشتەنە جاساعان جوقپىن", - دەيدى ول. 

"ادىرنا" ۇلتتىق پورتالى 

پىكىرلەر