قۇدايعا قۇلشىلىق ەتۋگە مەشىتتىڭ قاجەتى جوق... كەشەگى جۇمادا اناۋ استانانىڭ داۋلى مەشىتىندە قاپتاعان توبىر!
مەشىت دەگەن نە ءوزى؟ ەگەر ول اللانىڭ ءۇيى بولسا، وندا ۇرلىق قارجىعا سالىنعان (كوپشىلىگىنىڭ ايتۋى بويىنشا) وسى عيماراتتا مۇسىلمان قاۋىمى نەگە قاپتاپ ءجۇر؟! الدە اللا ادىلدىك، اقيقاتتىڭ اق نەمەسە تۋرا (اللانىڭ) جولى ەمەس، ۇرى-قارىنىڭ تىرلىگىن قولدايدى ما؟
"دىندى عالىمدار مويىندامايدى، ساياساتكەرلەر ەلدى باسقارۋ قۇرالى رەتىندە پايدالانادى، ال توبىر وعان قۇلشىلىق جاسايدى" دەگەن وسى ما؟
حريستياندارداعىداي يسلامدا مەشىتتىڭ كۇمبەزىن التىنمەن قاپتامايدى. ءدىن ماتەريالدىق ەمەس، ول ساناعا ساۋلە تۇسىرەتىن رۋحاني قۇندىلىق! قۇدايعا قۇلشىلىق ەتۋ ءۇشىن جالپى مەشىتتىڭ قاجەتى جوق، ءبىر جايناماز جەتىپ جاتىر. يسلامدا رۋحاني قۇندىلىقتى ماتەريالدىقتان جوعارى قويادى. بۇل يسلام مەن ءبۋدديزمنىڭ باسقا دىندەردەن ەرەكشە، وركەنيەتتىك ۇستانىمى. اناۋ، مەشىتتىڭ ليۋستراسىنىڭ قىمباتتىعى، ەسىگىنىڭ بيىكتىگى ت.ب. كوزى اشىق، كوكىرەگى وياۋ، سانالى ادامعا تۇككە كەرەگى جوق. ول، جەم ىزدەگەن "سوقىر تاۋىقتىڭ" تىرلىگى.
كەشەگى، "ۇرى مەشىتتەگى قاپتاعانداردى" كورگەندە ءبىزدىڭ قوعام وركەنيەتكە بەت تۇزەگەن ەمەس، تاليباندار مەن سالافيلەردىڭ ورتاعاسىرلىق قوعامىن ەلەستەتەدى. كەشەگى قاڭتاردا دۇكەندەر مەن بانكتەردى توناعان سولار ەكەنىن بيلىك ءالى جاسىرىپ كەلەدى. بىراق، ءدىني فاناتتار بيلىككە دە، حالقىنا دا، مەملەكەتكە دە قورعان بولمايدى! ولاردىڭ ماقساتى توڭكەرىس جاساپ بيلىكتى الۋ. ونداي ءدىني اعىمدار ديكتاتورلىق رەجيمگە حالىقتى قاناپ وتىرۋ ءۇشىن كەرەك.
داميتىن قوعام يسلامنىڭ ەكسترەميستىك اعىمدارىن ەمەس، ءداستۇرلى حانيفا ماسحاتىن ۇستانىپ، ءياسساۋيدىڭ جولىمەن جۇرەدى جانە ءوز بويىنا يسلامنىڭ "جۇماق دەگەن انانىڭ تابانىندا", ء"بىر ادامدى ءولتىرۋ بۇكىل ادامزاتقا جاسالعان قاستاندىق"... سياقتى وركەنيەتتىك ىلىمدەرىن ءسىڭىرىپ، كوركەم مىنەزدى ۇرپاق تاربيەلەيدى.
"ادىرنا" ۇلتتىق پورتالى
