Qudaıǵa qulshylyq etýge meshittiń qajeti joq... Keshegi jumada anaý Astananyń daýly meshitinde qaptaǵan tobyr!
Meshit degen ne ózi? Eger ol Allanyń úıi bolsa, onda urlyq qarjyǵa salynǵan (kópshiliginiń aıtýy boıynsha) osy ǵımaratta musylman qaýymy nege qaptap júr?! Álde Alla ádildik, aqıqattyń aq nemese týra (Allanyń) joly emes, ury-qarynyń tirligin qoldaıdy ma?
"Dindi ǵalymdar moıyndamaıdy, saıasatkerler eldi basqarý quraly retinde paıdalanady, al tobyr oǵan qulshylyq jasaıdy" degen osy ma?
Hrıstıandardaǵydaı Islamda meshittiń kúmbezin altynmen qaptamaıdy. Din materıaldyq emes, ol sanaǵa sáýle túsiretin rýhanı qundylyq! Qudaıǵa qulshylyq etý úshin jalpy meshittiń qajeti joq, bir jaınamaz jetip jatyr. Islamda rýhanı qundylyqty materıaldyqtan joǵary qoıady. Bul Islam men býddızmniń basqa dinderden erekshe, órkenıettik ustanymy. Anaý, meshittiń lıýstrasynyń qymbattyǵy, esiginiń bıiktigi t.b. kózi ashyq, kókiregi oıaý, sanaly adamǵa túkke keregi joq. Ol, jem izdegen "soqyr taýyqtyń" tirligi.
Keshegi, "ury meshittegi qaptaǵandardy" kórgende bizdiń qoǵam órkenıetke bet túzegen emes, talıbandar men salafılerdiń ortaǵasyrlyq qoǵamyn elestetedi. Keshegi qańtarda dúkender men bankterdi tonaǵan solar ekenin bılik áli jasyryp keledi. Biraq, dinı fanattar bılikke de, halqyna da, memleketke de qorǵan bolmaıdy! Olardyń maqsaty tóńkeris jasap bılikti alý. Ondaı dinı aǵymdar dıktatorlyq rejımge halyqty qanap otyrý úshin kerek.
Damıtyn qoǵam Islamnyń ekstremıstik aǵymdaryn emes, dástúrli Hanıfa mashatyn ustanyp, Iassaýıdiń jolymen júredi jáne óz boıyna Islamnyń "Jumaq degen ananyń tabanynda", "Bir adamdy óltirý búkil adamzatqa jasalǵan qastandyq"... sııaqty órkenıettik ilimderin sińirip, kórkem minezdi urpaq tárbıeleıdi.
"Adyrna" ulttyq portaly
