كەز كەلگەن ماسەلەگە قاتىستى شەشىم قابىلداردا قوعامدىق پىكىر مەن كوزقاراستى مىندەتتى تۇردە ەسكەرۋ ماڭىزدى. بۇل تۋرالى كەزەكتى اپپاراتتىق كەڭەستە جامبىل وبلىسىنىڭ اكىمى نۇرجان نۇرجىگىتوۆ ايتتى.
مەملەكەت باسشىسى قاسىم-جومارت توقاەۆتىڭ «حالىق ۇنىنە قۇلاق اساتىن» تۇجىرىمداماسىنا سايكەس باسقوسۋدا الدىمەن جەرگىلىكتى اتقارۋشى ورگانداردىڭ حالىقپەن كەرى بايلانىس ماسەلەسى قارالدى. وبلىس اكىمىنىڭ كەڭەسشىسى نۇرمۋحاممەد نيازبەكوۆ، ءباسپاسوز قىزمەتىنىڭ جەتەكشىسى دانيار اسقارۇلى، «جامبىل وبلىسى بىرىڭعاي ديسپەتچەرلىك قىزمەتى» كمم-ءنىڭ باسشىسى باقكەلدى تۇرسىنبەك بايانداما جاسادى. ولار الەۋمەتتىك جەلىدەگى باسشىلاردىڭ بەلسەندىلىگى، كوتەرىلگەن ساۋالدار مەن وتىنىشتەرگە جاۋاپ بەرۋ دەڭگەيى، اتقارىلعان جۇمىستاردى كورسەتە ءبىلۋى، كەرى بايلانىس ورناتۋ ماسەلەلەرىنە جان-جاقتى توقتالىپ، التى ايدىڭ قورىتىندىسىن باياندادى.
كەمشىلىكتەر بويىنشا بىرقاتار اكىمدەر مەن ولاردىڭ ورىنباسارلارىنا، باسقارما باسشىلارىنا قاتىستى شارالار قابىلداناتىن بولدى.
- كەز كەلگەن وزەكتى ماسەلەگە قاتىستى شەشىم قابىلدايتىن كەزدە قوعامدىق پىكىرمەن، حالىقپەن ساناسۋ كەرەك. ولاردىڭ وي-ۇسىنىس
تارىن ەسكەرگەن دۇرىس. سوندا عانا تۇسىنبەستىك، نارازىلىق تۋىندامايدى.
ءبىز ءوزىمىزدىڭ اتقارىپ جاتقان جۇمىستارىمىزدى جان-جاقتى كورسەتىپ، حالىققا دۇرىس اقپارات بەرۋگە ءتيىسپىز. تۇرعىنداردىڭ وتىنىشتەرى مەن ساۋالدارىنا ۋاقىتىلى ءارى ساپالى جاۋاپ بەرۋگە دەن قويىڭىزدار. ءالى دە بولسا وسى باعىتتاعى جۇمىستاردى كۇشەيتە ءتۇسۋ ماڭىزدى،-دەگەن نۇرجان نۇرجىگىتوۆ جاۋاپتىلارعا ناقتى تاپسىرمالار جۇكتەدى.
كەڭەستىڭ كۇن تارتىبىندەگى ەكىنشى ماسەلە بويىنشا وبلىس اۋماعىندا جۇرگىزىلىپ جاتقان قۇرىلىس جۇمىستارىنىڭ بارىسى قارالدى.
قۇرىلىس باسقارماسىنىڭ باسشىسى ەرلان ورىنباەۆتىڭ ايتۋىنشا، بۇگىندە 205 جوبا جۇزەگە اسۋدا. ونىڭ 52-ءى كەلەر جىلعا وتپەلى بولسا، 153-ءى اعىمداعى جىل سوڭىنا دەيىن تاپسىرىلۋى ءتيىس.
باسقارما باسشىسى جوبالاردى ءار سالا بويىنشا تالداپ، كەيبىر وزەكتى ماسەلەلەردى اشىپ كورسەتتى.
وبلىس اكىمى بارلىق جوبالار بويىنشا بەلگىلەنگەن كەستەدەگى مەرزىمنىڭ قاتاڭ ساقتالۋىن جانە قۇرىلىستىڭ ساپاسىن باقىلاۋ – باستى نازاردا بولۋ كەرەكتىگىن باسا ايتتى.
- بارلىق نىساندارداعى قۇرىلىستار ۋاقىتىلى اياقتالۋى ءتيىس. جاڭا وقۋ جىلىندا پايدالانۋعا بەرىلەتىن مەكتەپتەر 20 تامىزعا دەيىن تاپسىرىلىپ، قىركۇيەككە دەيىن تولىق دايىن بولعانى دۇرىس.
قۇرىلىستىڭ ساپاسىنا بارىنشا نازار اۋدارىڭىزدار. باقىلاۋ قاتاڭ بولۋى كەرەك.
بۇدان بولەك، بيۋدجەت قاراجاتىن ۇنەمدى يگەرۋگە كوڭىل بولىڭىزدەر. ۇقساس جوبالارعا بىرىڭعاي باعا ساياساتىن ۇستانۋ ماڭىزدى،-دەدى ايماق باسشىسى.
جيىندا وبلىس اۋماعىنداعى كوپقاباتتى تۇرعىن ۇيلەر قۇرىلىسى، «اسارلاتىپ ءۇي سالۋ» جوباسىنىڭ جۇزەگە اسۋ بارىسى دا تالقىلاندى.
- بوس تۇرعان ۇيلەردى جوندەپ، جاڭعىرتىپ، مۇقتاجدارعا بەرگەن ارينە دۇرىس. بۇل الەۋمەتتىك جاۋاپكەرشىلىكتىڭ نەگىزىندە جۇزەگە اسۋى قاجەت.
ال، «اسارلاتىپ ءۇي سالۋ» جوباسىنىڭ ماقساتى بولەك. ول جالپى، تۇرعىنداردى، اۋىلدىقتاردى يگى ىسكە جۇمىلدىرۋ، قايرىمدىلىققا ۇندەۋگە نەگىزدەلگەن. اتا-بابالارىمىزدىڭ اسار ءداستۇرى بويىنشا كوپشىلىك بىرلەسىپ، باسپاناعا مۇقتاج تۋىستارى مەن اۋىلداستارىنا ارناپ ءۇيدىڭ قۇرىلىسىن جۇرگىزەدى. ونى كورىپ وسكەن جاس ۇرپاق تا ۇلكەن تاعىلىمدى تاربيە الادى،-دەدى وبلىس اكىمى.
سونداي-اق، جەكە تۇرعىن ءۇي قۇرىلىسى ءۇشىن بەرىلەتىن جەرلەرگە ينجەنەرلىك-ينفراقۇرىلىم تارتۋ شارالارى، قۇرىلىس جۇمىستارىنىڭ ساپاسىنا جوسپاردان تىس جۇرگىزىلگەن تەكسەرىستەردىڭ قورىتىندىلارى سارالاندى.
ايماق باسشىسى جۇمىستاردى ۇتىمدى ۇيىمداستىرا الماي وتىرعان باسشىلاردى سىنعا الىپ، ءوز جاۋاپكەرشىلىگىنە نەمقۇرايلى قارايتىن مەردىگەرلەرگە ءتيىستى شارالار قولدانۋ كەرەكتىگىن ەسكەرتتى.
