بۇگىن وبلىس اكىمى نۇرلىبەك نالىباەۆ جۇمىس ساپارىمەن سىرداريا جانە جالاعاش اۋداندارىنا باردى. بىرقاتار الەۋمەتتىك، شارۋاشىلىق نىسانداردىڭ جۇمىسىن سارالاپ، اۋىل ازاماتتارىمەن جۇزدەستى.
الدىمەن ءوڭىر باسشىسى سىرداريا اۋدانىنداعى ناعي ءىلياسوۆ اۋىلىندا بولدى. قازاقستاننىڭ ەڭبەك ەرى ابزال ەراليەۆپەن بىرگە اۋىل ىشىندەگى جاڭادان سالىنىپ جاتقان “ەڭبەكشىلەر اللەياسىن" كوردى.
2250 حالقى بار اۋىلدا «نۇرلى جول» جانە «اۋىل - ەل بەسىگى» باعدارلامالارى اياسىندا 126,3 ملن.تەڭگەگە اۋىلدىق وكرۋگىنىڭ كىرەبەرىس جولىنا كۇردەلى جوندەۋ جۇمىستارى جۇرگىزىلسە، 39,7 ملن.تەڭگەگە كوپبالالى وتباسىلارعا 3 تۇرعىن ءۇي سالىنعان. سونداي-اق، 525,9 ملن.تەڭگە قاراجاتقا 11 كوشە قايتا جاڭعىردى.
اۋىلدىڭ گۇلدەنۋىنە قوماقتى ۇلەس قوسقان «ابزال جانە ك» تس-ءى جەكە قاراجاتى ەسەبىنەن اۋىلدى اباتتاندىرۋ جانە تۇرعىنداردى الەۋمەتتىك قامسىزداندىرۋ باعىتتارىنا 797,2 ملن.تەڭگە قارجى بولگەن. ايتالىق، 384 ملن.تەڭگەگە سپورت كەشەنىن سالىپ، 137 ملن.تەڭگەگە اۋىلدىق عيمارات جاڭادان كوتەردى. سونداي-اق، ۇلى وتان سوعىسىندا قازا تاپقاندارعا ارنالعان ەسكەرتكىش قۇرىلىسى جۇرگىزىلگەن.
ايماق باسشىسى اۋىل حالقىنىڭ تۇرمىس ساپاسىن كوتەرۋ باسىم باعىت ەكەنىن ايتىپ، اۋىلدا جۇزەگە اسىپ جاتقان جوبالاردى ۋاقىتىلى ءارى ساپالى اياقتاۋ قاجەت ەكەنىن العا تارتتى.
- ءاربىر جوبا حالىقتىڭ يگىلىگىنە ارناپ جاسالادى. ونىڭ شاراپاتىن سول اۋىلدىڭ تۇرعىندارى سەزىنگەندىكتەن، ءاربىر ءىس ساپالى ءارى ۋاقىتىلى اياقتالۋى كەرەك. تۋعان جەردى، اۋىلدى بىرگە كوركەيتۋگە ءتيىسپىز. ەڭ ءبىرىنشى كەزەكتەگى الەۋمەتتىك ماسەلەلەردى شەشسەك، اۋىل حالقىنىڭ تۇرمىس ساپاسىن جاقسارتامىز،-دەدى وبلىس اكىمى.
وبلىس اكىمىنىڭ جۇمىس ساپارى جالاعاش اۋدانىنداعى «تاڭ» اۋىلىندا جالعاستى. «تاڭ لتد» سەرىكتەستىگىنىڭ ەگىس القابىنا بارىپ، اۋىلشارۋاشىلىعى سالاسىنداعى ءارتاراپتاندىرۋ باعىتىندا ماماندارمەن پىكىر الماستى.
اۋىلدا مەملەكەتتىك باعدارلامالار ارقىلى 569,2 ملن.تەڭگەگە 14 كوشەنىڭ ورتاشا جوندەۋ، 333,2 ملن.تەڭگەگە مەكتەپكە كۇردەلى جوڭدەۋ جۇمىستارى جۇرگىزىلىپ، 140 ملن.تەڭگەگە دارىگەرلىك امبۋلاتوريا سالىنعان.
مۇنان بولەك، «تاڭ لتد» جشس-ءى جەكە قاراجاتى ەسەبىنەن تاڭ ەلدى مەكەنىن اباتتاندىرۋ جانە تۇرعىنداردى الەۋمەتتىك قامسىزداندىرۋ باعىتتارىنا 701 ملن.تەڭگە قارجى ءبولدى. ياعني مەتسەنات ازاماتتىڭ ارقاسىندا اۋىلدا مەشىت عيماراتى جوڭدەلىپ، بوبەكجاي قايتا جاڭعىرتىلىپ، سپورت كەشەنى عيماراتىنىڭ قۇرىلىسى جۇرگەن. سونىمەن بىرگە 150 ملن.تەڭگەگە ەت وڭدەۋ تسەحىنىڭ قۇرىلىسى باستاۋ العان.
وبلىس اكىمى ءونىم ءوندىرۋ ماسەلەسىنە توقتالدى. سىرتتان كەلەتىن ونىمدەرگە دەگەن تاۋەلدىلىكتى تومەندەتۋ ءۇشىن اۋىلداردىڭ اۋىل شارۋاشىلىق الەۋەتى جوعارى بولۋى كەرەك. بۇل رەتتە شارۋالار وراق ءتۇسۋ ماۋسىمىنا تولىقتاي دايىن.
- ءونىمنىڭ مول بولعانى حالىقتىڭ ەڭبەگىنىڭ قايتقانى. پرەزيدەنتتىڭ، ۇكىمەت باسشىسىنىڭ قولداۋى نەگىزىندە بيىل سۋ كولەمى بىلتىرعى جىلعىدان جوعارى بولدى. بىرلەسكەن كەلىسسوزدەردىڭ ارقاسىندا ايماقتا ايتارلىقتاي قيىنشىلىق تۋىندامادى. كەلەسى جىلى دا مول ءونىم الۋ ءۇشىن جەردى الدىن الا دايىنداپ، ەگىس القاپتارىنا قاجەتتى جۇمىستى وسى كەزدەن باستاپ انىقتاۋ قاجەت. استىقتىڭ كولەمى مول بولىپ، قاجەتتىلىكتى تولىق وتەي الساق، ازىق-تۇلىك قاۋىپسىزدىگىن تۇراقتى تۇردە ۇستاپ تۇرا الامىز. ەگىن ەگۋگە يكەمى بار وتباسىلارعا بوس جەرلەردى تابىستاپ، ەگىن ەگۋ ماسەلەسىن دە تاپسىردىم. باقشا داقىلدارىن ءوزىمىز وندىرسەك، سىرت ءوڭىردىڭ ونىمدەرىنە دەگەن سۇرانىستى بولدىرمايمىز،-دەدى ن.نالىباەۆ.
بيىل سەرىكتەستىكتە 25 مىڭ توننا كۇرىش وندىرىلەدى دەپ جوسپارلانعان. تامىز ايىنىڭ ءۇشىنشى ونكۇندىگىندە كۇرىشكە وراق تۇسپەك.
ايتا كەتەيىك، اۋىلدا بيىلعى جىلى سپورت كەشەنىن ۇلعايتۋ ماقساتىندا 150 سپورتشىعا ارنالعان كەشەننىڭ ىرگەتاسى قالانۋدا. نىسان 2023 جىلى ەل يگىلىگىنە بەرىلمەك.
