2022 جىلعى 11-12-تامىز كۇندەرى تاراز قالاسىنداعى «بالاساعۇن» اتىنداعى مادەنيەت سارايىندا «قاسيەتتى قازاق ەلى» حالىقارالىق ونەر فەستيۆالى (بۇدان ءارى – فەستيۆال) ءوتتى. فەستيۆالعا شەتەلدەگى 8 ەلدەن كەلگەن ونەرپاز قانداستارىمىز قاتىستى.
فەستيۆال 11 تامىزدا جۇمىسىن باستادى. بۇل كۇنى قولونەرشىلەر بۇيىمدارىن كورمەگە ورنالاستىردى، ودان بولەك بارلىق قاتىسۋشىلار كونە تاراز قالاسىنىڭ مادەني-تاريحي جەرلەرىمەن تانىسىپ، جامبىل وبلىسىنىڭ اكىمىنىڭ قابىلداۋىندا بولدى.
12 تامىزدا قاتىسۋشىلاردىڭ بارلىعى ءار اتالىم بويىنشا كۇنى بويى ونەر كورسەتتى. اتاپ ايتقاندا، فەستيۆال اياسىندا ۆوكال-ءداستۇرلى ءان ايتۋ، جىر ءمۇشايراسى، تەرمە مەن كۇي سايىسى جانە قولونەر نوميناتسيالارى بويىنشا 35 ۇمىتكەر باق سىناستى. ايتا كەتۋ كەرەك بۇل فەستيۆلگە قاتىسۋعا بارلىعى 140 ۇمىتكەر تىركەلدى. ونەر فەستيۆالىنە تۇركيا، يران، مونعوليا، قىتاي، رەسەي، ۋكراينا، وزبەكستان، قىرعىزستان سياقتى مەملەكەتتەردەن ونەرپازدار ىرىكتەلدى.
حالىقارالىق ونەر سايىسىنىڭ باس جۇلدەسىن رەسەيدەن كەلگەن قولونەرشى ايناگۇل بارامباەۆا (500 000 تەڭگە جانە تەلەۆيزور) يەلەندى.
بايقاۋ جەڭىمپازدارى:
ءى) جامبىل اتىنداعى “تەرمە مەن كۇي” نوميناتسياسى بويىنشا
ءى ورىندى (300 000 تەڭگە) - تەرمەشى جاڭعار مامبەتنازاروۆ (وزبەكستان);
ءىى ورىن (200 000 تەڭگە) - تەرمەشى نۇرساليەۆ جانايدار (رەسەي)
ءىىى ورىن (100 000 تەڭگە) - كۇيشى بايزۋللاەۆ ارمان (رەسەي)
ءىى) روزا باعلانوۆا اتىنداعى “ۆوكال، ءداستۇرلى ءان سالۋ” اتالىمى بويىنشا
ءى ورىن (300 000 تەڭگە)- نۇرشات زەيىپحان، (قىتاي)
ءىى ورىن (200 000 تەڭگە)- كدىروۆا ينەش، (ۋكراينا)
ءىىى ورىن (100 000 تەڭگە)- رۋستام رۋسلانوۆ، (قىرعىزستان)
ءىىى) اباي اتىنداعى ء“مۇشايرا” اتالىمى بويىنشا
ءى ورىن (300 000 تەڭگە) - تىلەكتەس اقىلبەكۇلى، (موڭعوليا)
ءىى ورىن (200 000 تەڭگە)- مىرزاتحان تانجيرا، (موڭعوليا)
ءىىى ورىن (100 000 تەڭگە) - ابدىقاليەۆ مەيرامبەك، (وزبەكستان)
ءىV) “قولونەر” اتالىمى بويىنشا
ءى ورىن (300 000 تەڭگە) - شالاق قاديفەن، (يران)
ءىى ورىن (200 000 تەڭگە)- ىرىستانۇلى بازار، (تۇركيا)
ءىىى ورىن (100 000 تەڭگە) - حانجارباي سەتەرحان، (موڭعوليا)
ودان بولەك شەرحان مۇرتازا اتىنداعى كورەرمەن كوزايىمى ونلاين داۋىس بەرۋ بويىنشا تەرمەشى داۋرەن قۇرالبەك (قىتاي ەلىنەن) سىيلىققا (400 000 تەڭگە) يە بولدى.
وسىمەن 5-ءشى رەت ءوتىپ وتىرعان ءداستۇرلى فەستيۆال، «وتانداستار قورى» كوممەرتسيالىق ەمەس اكتسيونەرلىك قوعامىنىڭ ۇيىمداستىرۋىمەن قازاقستان رەسپۋبليكاسى سىرتقى ىستەر مينيسترلىگى مەن جامبىل وبلىسى اكىمدىگىنىڭ قولداۋىمەن وتكىزىلىپ وتىر.
گالا-كونتسەرتكە وبلىس اكىمى نۇرجىگىتوۆ نۇرجان مىرزا مەن وبلىس پەن قالا رەسمي وكىلدەرى قاتىستى.
سونداي-اق فەستيۆالدىڭ باس دەمەۋشىسى: تارازداعى “Qazaq Soda” كومپانياسى وكىلى مەحمەت لاتيف چايحان مىرزا، “شەرحان مۇرتازا”اتىنداعى قايىرىمدىلىق قورىنىڭ وكىلى مادينا كارىمباەۆا،
“اباي-جيدەباي” قورىنىڭ وكىلى قوسىباەۆ ميراس قاتىستى. تۇركسوي حالىقارالىق ۇيىمىنىڭ سىيلىعى قازاقستاننىڭ ستامبۇلداعى باس كونسۋلى ءالىم بايەل تابىس ەتتى.
حالىقارالىق فەستيۆالگە قاتىسۋشى قانداستارىمىز اتاجۇرت قازاقستانعا دەگەن ەڭ شىنايى ريزاشىلىقتارىن ءبىلدىرىپ، اق جۇرەك تىلەكتەرىن جەتكىزدى. قازاق ۇلتتىق ونەرىن شەت ەلدە دارىپتەپ، ساقتاپ جۇرگەن ونەر ادامدارى ءۇشىن وسىنداي ءىس-شارالار باعا جەتپەس مۇمكىندىك ەكەنىن اتاپ ءوتتى.
