اقتوبە وبلىسىندا جانتۇرشىگەرلىك جول اپاتى سالدارىنان ءتورت ادام قازا تاپتى، دەپ حابارلايدى وبلىستىق پوليتسيا دەپارتامەنتى.
قايعىلى جول-كولىك اپاتى 14 تامىزدا ساعات 16:55-تە پوكروۆكا – جاڭاجول اۆتوجولىنىڭ 75-شاقىرىمىندا بولعان.
تەمىر اۋدانى پوكروۆكا – جاڭاجول تاسجولىنىڭ 75-شاقىرىمىندا تەمىر قالاسىنان كەڭقياق اۋىلى باعىتىندا كەلە جاتقان ۆاز 2113 اۆتوكولىگىنىڭ 26 جاستاعى جۇرگىزۋشىسى قارسى قوزعالىسقا ارنالعان جولاققا شىعىپ كەتىپ، مۇعالجار اۋدانىنىڭ 50 جاستاعى تۇرعىنى باسقارىپ وتىرعان كاماز كولىگىنە سوعىلعان.
«جول-كولىك وقيعاسى سالدارىنان ۆاز 2113 اۆتوكولىگىنىڭ جۇرگىزۋشىسى مەن ءۇش جولاۋشىسى العان جاراقاتىنان وقيعا ورنىندا كوز جۇمدى. سونىمەن قاتار جەڭىل اۆتوكولىكتىڭ تاعى ءبىر جولاۋشىسى ءتۇرلى جاراقاتپەن كەڭقياق اۋلىنىڭ اۋرۋحاناسىنا جاتقىزىلدى»، - دەلىنگەن پد حابارلاماسىندا.
“ادىرنا” ۇلتتىق پورتالى
