الەۋمەتتىك جەلىدە ەكس-دەپۋتات بەكبولات تىلەۋحاننىڭ 9 جىل بۇرىن جۋرناليست ايگەرىم سەيفوللاعا بەرگەن سۇقباتى قىزۋ تالقىلانىپ جاتىر، دەپ حابارلايدى «ادىرنا» ءتىلشىسى.
«اتامەكەن دەدىڭ بە، دۇنيە كۇيىپ كەتسە دە ءوز جەرىڭنەن كەتپە. ەلدەن قاشىپ كەتەدى دەپ ءتۇرلى جالا جاۋىپ جاتىر. مەن ءبىر جەتىدەن ارتىق قازاقستاننان باسقا جەردە جۇرە المايمىن. ءبىر ءسات جىلقىنىڭ ەتىن جەمەسەم نە قىمىز ۇرتتاماسام، ىشكەن اسىم بويىما تاراماي قالاتىنىن بىلىڭىزدەر. كەتكەن كەزدە باراتىن جەرىم جوق، وزگە ءتىلدى دە بىلمەيمىن. ءبىر دۇنيەنى بىلەمىن. مەنىڭ قازاقستاننان باسقا ەشكىمگە كەرەگىم جوق. ورىس پەن تۇرىك ءانىمدى قايتەدى، ءسوزىمنىڭ قىتاي مەن نورۆەگتەرگە قانداي قاجەتى بار؟»— دەيدى بەكبولات تىلەۋحان.
جەلى قولدانۋشىلارى «وسى سوزىڭدە نەگە تۇرمادىڭ؟ ۇيات بولعان ەكەن!»، «كەتكەنىنە 1 اپتا ەمەس، ايلار بولدى عوي. ازەر جۇرگەن شىعار» دەگەن سىندى ءتۇرلى پىكىر قالدىرعان.
ايتا كەتەيىك، بۇعان دەيىن ەكس-دەپۋتاتتىڭ تۇركيا ازاماتتىعىن الۋعا ءوتىنىش بەرگەنى تۋرالى اقپارات تاراعان ەدى. الايدا قوعام قايراتكەرىنىڭ ءوزى بۇل دەرەكتى جوققا شىعاردى.
<
