Áleýmettik jelide eks-depýtat Bekbolat Tileýhannyń 9 jyl buryn jýrnalıst Áıgerim Seıfollaǵa bergen suqbaty qyzý talqylanyp jatyr, dep habarlaıdy «Adyrna» tilshisi.
«Atameken dediń be, dúnıe kúıip ketse de óz jerińnen ketpe. Elden qashyp ketedi dep túrli jala jaýyp jatyr. Men bir jetiden artyq Qazaqstannan basqa jerde júre almaımyn. Bir sát jylqynyń etin jemesem ne qymyz urttamasam, ishken asym boıyma taramaı qalatynyn bilińizder. Ketken kezde baratyn jerim joq, ózge tildi de bilmeımin. Bir dúnıeni bilemin. Meniń Qazaqstannan basqa eshkimge keregim joq. Orys pen túrik ánimdi qaıtedi, sózimniń qytaı men norvegterge qandaı qajeti bar?»— deıdi Bekbolat Tileýhan.
Jeli qoldanýshylary «Osy sózińde nege turmadyń? Uıat bolǵan eken!», «Ketkenine 1 apta emes, aılar boldy ǵoı. Ázer júrgen shyǵar» degen syndy túrli pikir qaldyrǵan.
Aıta keteıik, buǵan deıin eks-depýtattyń Túrkııa azamattyǵyn alýǵa ótinish bergeni týraly aqparat taraǵan edi. Alaıda qoǵam qaıratkeriniń ózi bul derekti joqqa shyǵardy.
<
