فوتو: تجم
استانانىڭ بايقوڭىر اۋدانىندا ءورت سوندىرۋشىلەر ءدامحانادان ءۇش گاز باللونىن شىعاردى، دەپ حابارلايدى “ادىرنا”.
بۇل تۋرالى توتەنشە جاعدايلار مينيسترلىگى حابارلادى.
مينيسترلىكتىڭ مالىمەتىنشە، 14 قاراشادا الاش تاسجولى بويىنداعى بازار اۋماعىندا ءورت شىققان. وتقا ءدامحانا رەتىندە جابدىقتالعان 40 توننالىق كونتەينەر ورانعان. ءورت سالدارىنان جيھاز بەن تۇرمىستىق تەحنيكا جانعان. جالىن 50 شارشى مەتر اۋماقتى شارپىعان.
ءورتتى ءسوندىرۋ بارىسىندا ماماندار عيمارات ىشىنەن ءۇش گاز باللونىن جەدەل تۇردە سىرتقا شىعارعان. وسىلايشا باللونداردىڭ قىزىپ، جارىلۋ قاۋپىنىڭ الدى الىنعان.
ۆەدومستۆونىڭ حابارلاۋىنشا، ءورت تولىق ءسوندىرىلدى. زارداپ شەككەندەر جوق.
ۇقساس جاڭالىقتار
