بۇگىن، 23 قىركۇيەكتە مەملەكەت باسشىسى قاسىم-جومارت توقاەۆ قازاقستان حالىق كەڭەسىنىڭ توراعاسى لاۋازىمىنا ەرلان قوشانوۆتىڭ كانديداتۋراسىن ۇسىندى، دەپ حابارلايدى «ادىرنا» ءتىلشىسى.
كونستيتۋتسيالىق زاڭعا سايكەس، توراعا قىزمەتىنە كانديداتتاردى پرەزيدەنت جانە (نەمەسە) قازاقستان حالىق كەڭەسى مۇشەلەرىنىڭ جالپى سانىنىڭ كەمىندە ۇشتەن ءبىرى ۇسىنا الادى.
بۇعان دەيىن پرەزيدەنت قاسىم-جومارت توقاەۆ قازاقستان حالىق كەڭەسىن ەل تاريحىنداعى كونستيتۋتسيالىق مارتەبەگە يە العاشقى ديالوگتىق الاڭ دەپ اتاعان بولاتىن. جاڭا ينستيتۋتتىڭ قۇرامىنا ءماسليحات دەپۋتاتتارى، قوعامدىق كەڭەستەردىڭ مۇشەلەرى، ساراپشىلار قاۋىمداستىعى مەن ازاماتتىق قوعام وكىلدەرى ەنەدى. سونىمەن قاتار كەڭەسكە قازاقستان حالقى اسسامبلەياسىنىڭ بىرقاتار وكىلەتتىگى بەرىلىپ، زاڭنامالىق باستامالار ۇسىنۋ قۇقىعى قاراستىرىلعان.
