پروكۋراتۋرا جاستار اراسىندا قۇقىقتىقباتل ۇيىمداستىردى

ءىس-شارا «زاڭ مەن ءتارتىپ» قاعيداتىن ىسكە اسىرۋدىڭ جالعاسى بولىپ تابىلادى جانە جاستار اراسىندا قۇقىقتىق ساۋاتتىلىقتى ارتتىرۋ، زاڭعا باعىناتىن مىنەز-قۇلىقتى قالىپتاستىرۋ، سونداي-اق جاسوسپىرىمدەر مەن جاستار ورتاسىنداعى قۇقىق بۇزۋشىلىقتاردىڭ الدىن الۋ ماقساتىندا ۇيىمداستىرىلدى.
 
قۇقىقتىق سايىسقا گۋمانيتارلىق-تەحنيكالىق كوللەدج بەن شەمونايحا كوللەدجىنىڭ ستۋدەنتتەرى، سونداي-اق شاكارىم اتىنداعى №4 مەكتەپتىڭ وقۋشىلارى قاتىستى.
 
باتل ويىن تۇرىندەگى سوت پروتسەسى فورماتىندا ءوتتى. وندا مەكتەپ وقۋشىلارىمەن ستۋدەنتتەر سوت وندىرىسىنە قاتىسۋشىلاردىڭ ءرولىن سومداپ، زاڭناما بويىنشا بىلىمدەرىن پراكتيكادا قولداندى، سونداي-اق دالەلدەۋ جانە كوپشىلىك الدىندا سويلەۋ داعدىلارىن كورسەتتى.
 
قاتىسۋشىلاردىڭ ونەرىن پروكۋراتۋرا، سوت جانە پوليتسيا وكىلدەرىنەن قۇرالعان بىلىكتى ادىلقازىلار القاسى باعالادى. سونىمەن قاتار تاۋەلسىز سۋديالار رەتىندە اۋداندىق اكىمدىك پەن اقساقالدار كەڭەسىنىڭ وكىلدەرى شاقىرىلدى.
 
شاقىرىلعان قوناقتار جاستاردىڭ دايىندىق دەڭگەيىن جوعارى باعالاپ، ولاردىڭ قۇقىقتىق ءبىلىمدى سەنىمدى مەڭگەرگەنىن جانە شەشەندىك ونەردىڭ جوعارى دەڭگەيىن اتاپ ءوتتى.
 
ينتەراكتيۆتى فورمات اشىق ديالوگ ءۇشىن جاعداي جاساۋعا، زاڭنامانى ۇيرەنۋگە دەگەن قىزىعۋشىلىقتى ارتتىرۋعا جانە جاسوسپىرىمدەردى قوعامعا پايدالى قىزمەتكە تارتۋعا مۇمكىندىك بەردى.