«قايرات» باس باپكەرى رافاەل ۋرازباحتين ءوز ەركىمەن قىزمەتىنەن كەتۋگە شەشىم قابىلدادى. بۇل تۋرالى 26 قازاندا فۋتبول كلۋبىنىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
«كلۋب باسشىلىعى ونىڭ شەشىمىن قابىلداپ، ءوتىنىشىن قاناعاتتاندىردى»،– دەلىنگەن حابارلامادا.
ەندى باس باپكەر مىندەتىن ۋاقىتشا اتقارۋ جورا ارۋتيۋنيان اتقارادى. ول بۇعان دەيىن «قايرات-جاستار» جاستار كومانداسىمەن جۇمىس ىستەگەن.
ايتا كەتەيىك، رافاەل راديكوۆيچ 2024 جىلعى قىركۇيەكتە نەگىزگى كوماندانىڭ باس باپكەرى اتانىپ، العاشقى ماۋسىمىنىڭ قورىتىندىسى بويىنشا سارى-قارالاردى قازاقستان چەمپيونى اتاندىرعان ەدى.
2025 جىلى ونىڭ جەتەكشىلىگىمەن «قايرات» قازاقستان سۋپەركۋبوگىن جەڭىپ الىپ، چەمپيوندىق اتاعىن قورعادى جانە كلۋب تاريحىندا العاش رەت ۋەفا چەمپيوندار ليگاسىنىڭ جالپى كەزەڭىنە جولداما العان. ال 2026 جىلعى ماۋسىمدا كوماندا ۋەفا كونفەرەنتسيا ليگاسىنىڭ جالپى كەزەڭىنە شىعىپ، قازاقستان چەمپيوناتىندا كۇمىس جۇلدەگەر اتانعان.
ەسكە سالايىق، بۇعان دەيىن «ورداباسى» فۋتبولىنىڭ كلۋبى مەرزىمىنەن بۇرىن قازاقستان پرەمەر-ليگاسىنىڭ چەمپيونى اتانعانىن جازعان ەدىك. «قايرات» قپل ماۋسىمىن ەكىنشى ورىنمەن اياقتايدى.
