پاشينيان ارمەنيانىڭ مەملەكەتتىك پروتوكول قىزمەتىنىڭ باسشىسىن قىزمەتىنەن بوساتتى، دەپ حابارلايدى "ادىرنا" ءتىلشىسى caliber-گە سىلتەپ.
ارمەنيا پرەمەر-ءمينيسترى نيكول پاشينيان مەملەكەتتىك پروتوكول قىزمەتىنىڭ باسشىسى گاگيك ۆانوياندى قىزمەتىنەن بوساتتى. بۇل تۋرالى شەشىمنىڭ سەبەبى رەسمي تۇردە جاريالانعان جوق.
گاگيك ۆانويان بۇل قىزمەتتى 2022 جىلدىڭ جەلتوقسانىنان بەرى اتقارىپ كەلگەن. 2026 جىلدىڭ تامىزىندا ول قايتادان وسى لاۋازىمعا تاعايىندالعان ەدى.
ايتا كەتەيىك، ارمەنيا پرەمەر-ءمينيسترى نيكول پاشينيان ەرەۆانعا 17 قازاندا رەسمي ساپارمەن كەلگەن قىرعىزستان پرەزيدەنتى سادىر جاپاروۆتى قازاقستان پرەزيدەنتى دەپ قاتە اتاعان. ەكى كۇننەن كەيىن ول پروتوكول قىزمەتىنىڭ جەتەكشىسى گاگيك ۆانوياندى قىزمەتىنەن بوساتتى. بۇل شەشىمگە پاشينياننىڭ جىبەرگەن قاتەلىگى سەبەپ بولۋى مۇمكىن.
«ەڭ الدىمەن، ارمەنياعا كەلگەن قازاقستان پرەزيدەنتى سادىر جاپاروۆتى قارسى العىم كەلەدى»، – دەدى پاشينيان قاعازعا جازىلعان ءماتىندى وقىپ تۇرىپ.
مەملەكەتتىك پروتوكول قىزمەتى — ەل باسشىلىعىنىڭ حالىقارالىق كەزدەسۋلەرى مەن رەسمي ءىس-شارالارىن ۇيىمداستىرۋعا، ديپلوماتيالىق راسىمدەر مەن پروتوكول تالاپتارىنىڭ ساقتالۋىنا جاۋاپ بەرەتىن مەكەمە.
