كيەۆتىڭ قاتىسۋىنسىز تۇپكىلىكتى بەيبىت كەلىسىمگە قول جەتكىزۋ مۇمكىن ەمەس. بۇل تۋرالى رەسەي پرەزيدەنتىنىڭ ءباسپاسوز حاتشىسى دميتري پەسكوۆ ايتتى، دەپ حابارلايدى «ادىرنا» ءتىلشىسى ASTRA-عا سىلتەمە جاساپ.
ول رەسەيدىڭ ۋكرايناداعى سوعىستى توقتاتۋ ماسەلەسىندە اقش-تىڭ دەلدالدىق كۇش-جىگەرىن جوعارى باعالايتىنىن اتاپ وتكەن. الايدا كيەۆ وكىلدەرىنىڭ قاتىسۋىنسىز كەلىسىمگە كەلۋ مۇمكىن ەمەس ەكەنىن جەتكىزگەن.
«جانجالدى رەتتەۋ ماسەلەسىنە كەلسەك، امەريكالىق تاراپتىڭ دەلدالدىق جانە بىتىمگەرلىك كۇش-جىگەرىن جالعاستىرىپ جاتقانىن بىلەسىزدەر. ءبىز ونى جوعارى باعالايمىز. دەگەنمەن، كيەۆ اتىنان جاۋاپكەرشىلىكتى ءوز موينىنا الۋعا دايىن وكىلدەردىڭ قاتىسۋىنسىز تۇپكىلىكتى رەتتەۋ مۇمكىن ەمەس ەكەنى داۋسىز»، – دەدى پەسكوۆ.
ءباسپاسوز حاتشىسى كەلىسسوزدەردە ۋكراينانىڭ اتىنان ناقتى كىم وكىلدىك ەتەتىنىن اشىپ ايتپاعان.
