وزبەك دياسپوراسىنىڭ باسشىسى ۋكراينامەن سوعىسۋ ءۇشىن ءامىر تەمىر اتىنداعى باتالون قۇرۋدى ۇسىندى

5151
Adyrna.kz Telegram
فوتو: ۆيدەودان الىندى
فوتو: ۆيدەودان الىندى

«پەرم ولكەسىنىڭ ورتالىق ازيا وزبەكتەرى قوعامىنىڭ» جەتەكشىسى دجاحونگير دجالولوۆ ۋكراينامەن سوعىسقا قاتىسۋ ءۇشىن ءامىر تەمىر اتىنداعى باتالون قۇرۋدى ۇسىندى، دەپ حابارلايدى “ادىرنا” ۇلتتىق پورتالى

ء"بىزدىڭ بالالارىمىز بالاباقشاعا بارادى، مەكتەپتەردە، جوعارى وقۋ ورىندارىندا وقيدى. ءبىز رەسەيدە تۇرىپ، جۇمىس ىستەيمىز. ءبىز تەك جەپ جۇرگەن نانىمىزدى اقتاۋعا مىندەتتىمىز. مەن ەرىكتىلەر باتالونىن قۇرىپ، ونى ءامىر تەمىر دەگەن ۇلى ەسىممەن اتاۋدى ۇسىنامىن. بۇل رەسەيدىڭ ۋكراينانى دەميليتاريزاتسيالاۋ جانە دەنازيالاندىرۋ بويىنشا ارنايى اسكەري وپەراتسياسىن قولداۋ ءۇشىن قۇرىلماق»، - دەدى دجالولوۆ.

ول جينالعانداردى ءوزىن قولداپ، باتالونعا قوسىلۋعا شاقىردى.

وزبەكستاننىڭ سىرتقى ەڭبەك ميگراتسياسى جونىندەگى اگەنتتىگى بۇل ۇندەۋگە جاۋاپ رەتىندە وزبەكتەر مۇنداي ۇندەۋلەرگە ەرىپ، سوعىس قيمىلدارىنا قاتىسپاۋى كەرەكتىگىن مالىمدەدى.

سونداي-اق، ولار وزبەكستانداعى جالدامالىلىقتىڭ قىلمىستىق ارەكەت ەكەنىن ەسكە سالدى. وزبەكتەر باسقا ەلدەردەگى شايقاستارعا قاتىسقانى ءۇشىن تۇرمەگە جابىلادى.

قىلمىستىق كودەكستىڭ 154-بابىنا (جالداماشىلىق) سايكەس وزبەكستان ازاماتتارى شەت مەملەكەتتىڭ اۋماعىندا قارۋلى قاقتىعىستارعا نەمەسە ۇرىس قيمىلدارىنا قاتىسقانى ءۇشىن، ءتىپتى جالدامالىلىق بەلگىلەرى بولماسا دا (قىزمەتى ءۇشىن اقشا الۋ) جازالانۋى مۇمكىن. بۇل قۇقىق بۇزۋشىلىقتى جاساعانى ءۇشىن بەس جىلدان ون جىلعا دەيىنگى مەرزىمگە باس بوستاندىعىنان ايىرۋ تۇرىندەگى جاۋاپتىلىق كوزدەلگەن.

بۇل رەتتە جالدامالىنى تارتۋ، وقىتۋ، قارجىلاندىرۋ نەمەسە وزگە دە ماتەريالدىق قامتاماسىز ەتۋ، سول سياقتى ونى قارۋلى قاقتىعىستاردا نەمەسە اسكەري ءىس-قيمىلداردا پايدالانۋ جەتى جىلدان ون ەكى جىلعا دەيىنگى مەرزىمگە باس بوستاندىعىنان ايىرۋعا جازالانادى.

ۆيدەونى تەلەگرام ارنامىزدان كورە الاسىز.

ادىرنا” ۇلتتىق پورتالى

پىكىرلەر