ۋكراينا پرەزيدەنتى اقش پرەزيدەنتىن رەسەيگە قارسى جاڭا سانكتسيالار ەنگىزۋدەن باس تارتقانى ءۇشىن تاعى دا سىنعا الدى، دەپ حابارلايدى “ادىرنا” ۇلتتىق پورتالى.
بۇل تۋرالى ول الەۋمەتتىك جەلىدەگى جازباسىندا ايتتى.
زەلەنسكيدىڭ ايتۋىنشا، رەسەي ۋكراينا ەنەرگەتيكالىق ينفراقۇرىلىمىنا اۋقىمدى سوققى جاساعان كەزدە اقش ليندسي گرەم ۇسىنعان زاڭدى ءىس جۇزىندە ەلەمەگەن.
«رەسەي ەنەرگەتيكالىق ينفراقۇرىلىمىمىزعا وسىنداي اۋقىمدى سوققى جاساعان ۋاقىتتا، وكىنىشكە قاراي، امەريكادا ليندسي گرەمنىڭ زاڭىن تولىعىمەن ەلەمەۋ تۋرالى شەشىم قابىلداندى»، – دەپ جازدى ۋكراينا پرەزيدەنتى.
سونداي-اق ول رەسەيدىڭ ۋكرايناداعى ارەكەتتەرى مەن اقش-تىڭ سانكتسيالىق ساياساتىنا قاتىستى پىكىر ءبىلدىردى. زەلەنسكيدىڭ سوزىنشە، رەسەي قىس مەزگىلى قارساڭىندا ۋكراينادا جاپپاي ەلەكتر جارىعىن وشىرۋگە، ميلليونداعان ادامدى جارىق پەن جىلۋسىز قالدىرۋعا تىرىسىپ جاتىر.
«مۇنى توقتاتۋ ءۇشىن قىسىم قاجەت. امەريكانىڭ سانكتسيالىق قىسىمدى توقتاتۋى، اگرەسسورعا قىسىمدى السىرەتۋى جانە پۋتينگە قارجىلاي تولەمدەر جاساۋ – مۇنىڭ ءبارى ونى سوعىستى جالعاستىرۋعا عانا ىنتالاندىرادى»، – دەدى ۆلاديمير زەلەنسكي.
ۋكراينا پرەزيدەنتى رەسەيدىڭ اسكەري ارەكەتتەرىن توقتاتۋ ءۇشىن وعان قارسى قىسىمدى كۇشەيتۋ قاجەت ەكەنىن اتاپ ءوتتى.
