الماتى قالاسىنىڭ مەدەۋ اۋدانىنداعى ساياجاي القابىنان قارۋ-جاراق تابىلدى. بۇل تۋرالى اۋداندىق پوليتسيا حابارلادى، دەپ جاريالادى "ادىرنا.
وقيعا ورنىنا اۋداندىق پوليتسيا باسقارماسى مەن پوليتسيا ءبولىمىنىڭ جەدەل-تەرگەۋ توبى باردى. تەكسەرۋ بارىسىندا پوليتسەيلەر يج ماركالى تەگىس ۇڭعىلى مىلتىقتى، تاپانشاعا ۇقساس زاتتى جانە 16-كاليبرلى التى وق-ءدارىنى تاركىلەدى.
قازىر تاركىلەنگەن زاتتار سوت-بالليستيكالىق ساراپتاماعا جىبەرىلدى. ماماندار قارۋدىڭ قايدان شىققانىن، كىمگە تيەسىلى ەكەنىن جانە قانداي دا ءبىر قىلمىسقا قاتىسى بار-جوعىن انىقتايدى.
پوليتسيا ازاماتتاردى قارۋ نەمەسە وق-ءدارى تاۋىپ العان جاعدايدا ولارعا قول تيگىزبەي، دەرەۋ «102» نومىرىنە حابارلاۋعا شاقىرادى.
ۇقساس جاڭالىقتار
