شىعىس قازاقستان وبلىسىنىڭ گلۋبوكوە اۋدانىنداعى بوبروۆكا اۋىلىندا جەكە تۇرعىن ءۇي ورتەنىپ، وقيعا ورنىنان ايەل مەن ونىڭ ەكى بالاسىنىڭ ءمايىتى تابىلدى. بۇل تۋرالى وبلىستىق توتەنشە جاعدايلار دەپارتامەنتى مالىمدەدى، دەپ حابارلايدى "ادىرنا".
مالىمەت بويىنشا، قۇتقارۋشىلار جەتكەنگە دەيىن ءۇي تولىعىمەن وتقا ورانعان. ءورت كەزىندە عيمارات شاتىرىنىڭ ءبىر بولىگى وپىرىلىپ تۇسكەن.
ءورتتى ءسوندىرۋ جۇمىستارى بارىسىندا قۇتقارۋشىلار ايەل ادامنىڭ جانە كامەلەتكە تولماعان ەكى بالانىڭ دەنەسىن تاپقان.
ۆەدومستۆونىڭ حابارلاۋىنشا، جالىن شارپىعان تۇرعىن ءۇيدىڭ اۋماعى 63 شارشى مەتردى قۇراعان.
ۇقساس جاڭالىقتار
