الماتى مەتروسىنىڭ «الاتاۋ» ستانتسياسىندا جولاۋشىنىڭ سومكەسىنەن ەكى وق-ءدارى انىقتالدى. بۇل تۋرالى قالالىق پوليتسيا دەپارتامەنتىنىڭ ءباسپاسوز قىزمەتى جاريالادى، دەپ حابارلايدى "ادىرنا".
ۆەدومستۆونىڭ مالىمەتىنشە، پوليتسيا قىزمەتكەرلەرى كولىك قاۋىپسىزدىگى ماماندارىمەن بىرلەسىپ، رەنتگەن اپپاراتى ارقىلى تەكسەرۋ جۇرگىزگەن. ناتيجەسىندە ەر ادامنىڭ سومكەسىنەن كاليبرى 5,45 مم بولاتىن ەكى پاترون تابىلىپ، تاركىلەندى.
وقيعاعا قاتىسى بار ەر ادام ۇستالىپ، ءتيىستى پروتسەستىك شەشىم قابىلداۋ ءۇشىن بوستاندىق اۋداندىق پوليتسيا باسقارماسىنىڭ قىزمەتكەرلەرىنە تاپسىرىلدى.
اتالعان فاكتى بويىنشا قىلمىستىق ءىس قوزعالدى. قازىرگى ۋاقىتتا وقيعانىڭ ءمان-جايى انىقتالىپ جاتىر.
ۇقساس جاڭالىقتار
