الماتىداعى تانىمال جاياۋ جۇرگىنشىلەر كوشەسى — ارباتتا جىگىت پەن قىزدىڭ اراسىنداعى جانجال جۇرتتىڭ كوزىنشە توبەلەسكە ۇلاستى. وقيعا ءساتى تۇسىرىلگەن ۆيدەو الەۋمەتتىك جەلىلەردە تاراپ جاتىر، دەپ حابارلايدى "ادىرنا" ۇلتتىق پورتالى Zakon.kz-كە سىلتەپ.
كادرلاردان بايقاعانداي، جانجال كەشكى ۋاقىتتا بولعان. دەگەنمەن ناقتى كۇنى ازىرگە بەلگىسىز. بەينەجازبادا جىگىت قىزعا بىرنەشە اۋىر سوققى جاساعانى كورىنەدى.
اتالعان دەرەك بويىنشا الماتى قالالىق پوليتسيا دەپارتامەنتىنىڭ ءباسپاسوز قىزمەتى تۇسىنىكتەمە بەردى.
«قازىر بۇل وقيعاعا بايلانىستى تەكسەرۋ جۇرگىزىلىپ جاتىر. وقيعانىڭ ناقتى ءمان-جايى انىقتالۋدا. كۇدىكتى مىندەتتى تۇردە ۇستالىپ، زاڭ الدىندا جاۋاپ بەرەدى»، – دەدى ۆەدومستۆودان.
ايتا كەتەيىك، 2025 جىلدىڭ 10 ساۋىرىندە الماتى وبلىسىنىڭ وتەگەن باتىر اۋىلىندا دا بالاعا شابۋىل جاسالىپ، ول اۋرۋحاناعا جەتكىزىلگەن بولاتىن.
