فوتو جي-مەن جاسالدى
اباي وبلىسى اكىمىنىڭ ورىنباسارى بەكجان باپىشەۆ سەمەي قالاسىنداعى جىلىتۋ ماۋسىمىنىڭ ءوتۋ بارىسىنا قاتىستى پىكىر ءبىلدىردى.
ونىڭ ايتۋىنشا، بۇگىندە وبلىس جىلىتۋ ماۋسىمىنا تولىق دايىن، جىلۋ بەرۋ جۇمىستارى شتاتتىق رەجيمدە جۇرگىزىلىپ جاتىر.
1 قازاننان باستاپ سەمەيدەگى الەۋمەتتىك نىساندار كەزەڭ-كەزەڭىمەن جىلۋ جۇيەسىنە قوسىلدى. قازىرگى ۋاقىتتا كوپقاباتتى تۇرعىن ۇيلەرگە دە جىلۋ بەرۋ جۇمىستارى جۇرگىزىلۋدە.
"سەمەي قالاسى بويىنشا 2 جىلدىق وتپەلى 5 جوبا بار. 1 جوبا بويىنشا مەردىگەر ۇيىم تاراپىنان ولقىلىقتار بولدى. ياعني، قۇرىلعىلار ۋاقىتىندا جەتكىزىلمەدى. بۇگىنگى كۇنى قۇرىلعىلار تولىعىمەن ورناتىلدى. ءبىز جىلىتۋ ماۋسىمىنا تولىعىمەن كىردىك. ءبىرىنشى كەزەكتە الەۋمەتتىك نىساندار قوسىلدى. ەكىنشى كەزەكتە تۇرعىن ۇيلەر قوسىلىپ جاتىر. تۇرعىنداردىڭ الاڭداۋىنا ەش نەگىز جوق ەكەنىن جەتكىزگىمىز كەلەدى" دەدى ول.
بەكجان باپىشەۆ وڭىردەگى جىلۋمەن قامتۋ ماسەلەسى تۇراقتى باقىلاۋدا ەكەنىن اتاپ ءوتتى.
