فوتو: باۋىرجان قاراعىزۇلى
العاشقى تاۋەلسىز پارلامەنتتىڭ گازەتى بولعان «حالىق كەڭەسى» اراعا وتىز جىلعا جۋىق ۋاقىت سالىپ قايتا جارىق كوردى، دەپ حابارلايدى "ادىرنا" ۇلتتىق پورتالى.
باسىلىم 1990 جىلدىڭ كوكتەمىندە جوعارعى كەڭەستىڭ رەسمي ءۇنجارياسى رەتىندە العاش رەت جارىققا شىققان. ەگەمەندىك قالىپتاسقان كەزەڭدە گازەت مەملەكەت پەن قوعام اراسىنداعى پىكىر الماسۋ الاڭى رەتىندە قىزمەت ەتكەن.
باسىلىمدا سارباس اقتاەۆ، جۇمابەك كەنجالين، مارات توقاشباەۆ سىندى بەلگىلى جۋرناليستەر ەڭبەك ەتكەن.
گازەتتى جۇمابەك كەنجالين باسقارعان كەزدە رەسپۋبليكا بويىنشا الدىڭعى قاتارداعى باسىلىمعا اينالعان. الايدا 1996 جىلدىڭ باسىندا پارلامەنتتىڭ قوس پالاتالى جۇيەگە كوشۋىنە بايلانىستى گازەت شىعۋىن توقتاتقان.
اراعا جىلدار سالىپ، قايتا جارىق كورگەن «حالىق كەڭەسى» گازەتىندە ەلدەگى قوعامدىق-ساياسي وزگەرىستەردى ساراپتاۋعا، ازاماتتاردىڭ پىكىرلەرى مەن باستامالارى جاريالانادى. سونىمەن قاتار قازاقستان حالىق كەڭەسىنىڭ جۇمىسى، وڭىرلەردەگى ءماسليحاتتار مەن قوعامدىق ۇيىمداردىڭ قىزمەتى دە باسىلىمنىڭ نەگىزگى تاقىرىپتارىنىڭ ءبىرى بولادى.
بۇگىندە «حالىق كەڭەسى» رەسپۋبليكالىق قوعامدىق-ساياسي گازەت جانە halyq-kenesi.kz دەربەس اقپارات اگەنتتىگى رەتىندە جۇمىس ىستەيدى.
باسىلىم ءداستۇرلى قاعاز نۇسقاسىمەن قاتار ەلەكتروندى اقپاراتتىق پورتال رەتىندە دە جۇمىسىن باستادى.
