المالى اۋدانىندا قوعامدىق كەڭىستىكتى اباتتاندىرىپ، عيماراتتاردىڭ قاسبەتىن جاڭارتىپ جاتىر. بيىل 60 كوپپاتەرلى تۇرعىن ءۇيدىڭ قاسبەتى جوندەۋمەن قامتىلدى، ونىڭ 41 نىسانىنداعى جۇمىستار تولىق اياقتالدى. وڭىرلىك كوممۋنيكاتسيالار قىزمەتىندە ارمان شامشين وسىلاي دەدى.
قاسبەتتى جوندەۋ قالالىق ديزاين-كود تالابىن ەسكەرە وتىرىپ جۇرگىزىلەدى. عيماراتتار تابيعي تاس جانە گرانيتپەن قاپتالادى، كونديتسيونەرلەردى ساندىك سەبەتكە ورنالاستىرادى، بالكوندار بىرىڭعاي ستيلگە كەلتىرىلىپ، ارحيتەكتۋرالىق جارىق ورناتىلادى. تاريحي ماڭىزى بار عيماراتتاردا سىلاقتىق ساندىك ەلەمەنتتەردى قالپىنا كەلتىرۋ جۇمىسى جۇرگىزىلەدى.
اۋداننىڭ ورتالىق بولىگىندە بىرىڭعاي جاياۋ جۇرگىنشىلەر باعىتى قالىپتاسا باستادى. ول بايسەيىتوۆا مەن پانفيلوۆ كوشەسىندەگى سەرۋەن ايماعىن ماسانشى مەن قاراساي باتىر ارقىلى اباي داڭعىلىمەن بايلانىستىرادى.
«قازىر پانفيلوۆ، چايكوۆسكي كوشەسى مەن گاگارين داڭعىلى اباتتاندى. قاراساي باتىر مەن قۇرمانعازى كوشەسىندە جۇمىس ءجۇرىپ جاتىر، جاس كورەرمەندەر تەاترىنداعى الاڭقاي كۇردەلى جوندەۋدەن وتەدى. مۇندا اۆتوماتتى جانە تامشىلاتىپ سۋارۋ جۇيەسى ورناتىلادى»، - دەدى اكىم.
كوشەنى جارىقتاندىرۋ جۇيەسىن جاڭعىرتۋ اياسىندا تروتۋاردىڭ بويىنا 300 جاڭا شام ورناتىلدى. اۋداننىڭ التى كوشەسىندە تاعى 500 باعان ورناتادى.
كاسىپكەرلەر دە اباتتاندىرۋ جۇمىسىنا قاتىستى. جاسالعان 1648 «اباتتاندىرۋ پاسپورتى» اياسىندا بيزنەس وكىلدەرى ىرگەلەس اۋماقتارعا وسىمدىك ەگۋدى ءوز مىندەتىنە الادى. قازىرگى ۋاقىتتا اۋداندا جىل سوڭىنا دەيىن جوسپارلانعان 70 مىڭ كوپجىلدىق بۇتانىڭ 45 مىڭى ەگىلىپ قويىلدى.
