ماڭعىستاۋ وبلىسىندا قۇتقارۋشىلار اشىق تەڭىزگە اعىپ كەتكەن ءۇش ادامدى امان الىپ شىقتى. بۇل تۋرالى توتەنشە جاعدايلار مينيسترلىگى ايتتى، دەپ حابارلايدى «ادىرنا» ءتىلشىسى.
وقيعا 28 قىركۇيەك كۇنى تۇنگى ۋاقىتتا بولعان.
«تۇپقاراعان اۋدانىنداعى كاسپي تەڭىزىنىڭ جاعالاۋىندا قاتتى جەلدىڭ سالدارىنان ءۇش ادام وتىرعان ۇرلەمەلى قايىق اشىق تەڭىزگە اعىپ كەتكەن. ولاردى ىزدەۋگە تجم كۇشتەرى دەرەۋ شىقتى. قۇتقارۋشىلار جوعالعان ادامداردى تاۋىپ، جاعالاۋعا جەتكىزدى. مەديتسينالىق كومەك قاجەت بولعان جوق»،– دەلىنگەن حابارلامادا.
مينيسترلىك جەل كۇشەيگەن كەزدە سۋعا شىقپاۋ قاجەتتىگىن ەسكەرتتى.
ۇقساس جاڭالىقتار
