ۆيتسە-پرەزيدەنت ەرلان قارين ماڭعىستاۋ وبلىسىندا بولعان قايعىلى وقيعاعا بايلانىستى مەملەكەتتىك دەڭگەيدە قابىلدانىپ جاتقان شەشىمدەردى جۇزەگە اسىرۋ شارالارى مەن اقپاراتتىق-ءتۇسىندىرۋ جۇمىستارىنىڭ بارىسىن تالقىلاعان كەڭەس وتكىزدى. بۇل تۋرالى ول جەلىدەگى پاراقشاسىندا ايتتى، دەپ حابارلايدى «ادىرنا» ءتىلشىسى.
«ماڭعىستاۋدا بولعان قايعىلى جاعدايعا بايلانىستى مەملەكەتتىك دەڭگەيدە قابىلدانىپ جاتقان شارالار مەن شەشىمدەردى جۇزەگە اسىرۋ، اقپاراتتىق ءتۇسىندىرۋ جۇمىستارىن جۇرگىزۋ جانە باسقا دا ماڭىزدى ماسەلەلەر تالقىلاندى. مەملەكەتتىك قۇرىلىمدار مەن قوعامدىق ۇيىمداردىڭ ءوزارا ۇيلەسىمدى جۇمىسىن قامتامىز ەتۋگە دە باستى نازار اۋدارىلدى»،– دەلىنگەن حابارلامادا.
ەسكە سالايىق، 24 قىركۇيەكتە ماڭعىستاۋ وبلىسىندا قازاقستان قارۋلى كۇشتەرى اسكەري-تەڭىز كۇشتەرىنىڭ وقۋ-جاتتىعۋى كەزىندە 19 اسكەري قىزمەتكەردى تەڭىز الىپ كەتكەن ەدى. وقيعا سالدارىنان 14 اسكەري قىزمەتكەر قازا تاپتى.
