قازاقستان قۇراماسى حح جازعى ازيا ويىندارىندا كەزەكتى التىن مەدالعا قول جەتكىزدى. سەمسەرلەسۋدىڭ ساپى باعدارلاماسىندا ونەر كورسەتكەن ەرلەر قۇراماسى فينالدا وڭتۇستىك كورەيا سپورتشىلارىن جەڭىپ، جارىستىڭ باس جۇلدەسىن يەلەندى، دەپ حابارلايدى "ادىرنا".
فينالدىق باسەكە تارتىستى ءوتىپ، قازاقستاندىق سەمسەرلەسۋشىلەر قارسىلاسىن 43:42 ەسەبىمەن ۇتتى. قۇراما ساپىندا ۆاديم شارلايموۆ، ەرلىك سەرتاي، كيريلل پروحودوۆ جانە رۋسلان كۋربانوۆ ونەر كورسەتتى.
قازاقستاندىق سەمسەرلەسۋ شەبەرلەرى ءۇشىن بۇل — ازيا ويىندارىنداعى ساپى باعدارلاماسىنداعى ءۇشىنشى التىن جۇلدە. ايتا كەتەيىك، بيىل وتانداستارىمىز الەم چەمپيوناتىندا دا توپ جارعان بولاتىن.
قازاقستاننىڭ ازياداداعى وسى باعدارلاما بويىنشا بۇعان دەيىنگى ناتيجەلەرى:
1994 جىل، حيروسيما — التىن;
1998 جىل، بانگكوك — كۇمىس;
2002 جىل، پۋسان — التىن;
2006 جىل، دوحا — قولا;
2010 جىل، گۋانچجوۋ — كۇمىس;
2014 جىل، ينچحون — قولا;
2018 جىل، دجاكارتا — قولا;
2022 جىل، گۋانچجوۋ — كۇمىس.
وسىلايشا قازاقستان سەمسەرلەسۋ قۇراماسى ازيا ويىندارىنداعى جۇلدەلەر قورىن تاعى ءبىر التىن مەدالمەن تولىقتىردى. بۇعان دەيىن وسى ازيادادا قازاقستاندىق سەمسەرلەسۋشىلەر ءبىر كۇمىس جانە ءۇش قولا مەدال جەڭىپ العان ەدى.
