يران اقش-قا ورمۇز بۇعازىن قايتا اشىپ، تاياۋ شىعىستاعى اسكەري قاقتىعىستى توقتاتۋعا باعىتتالعان جاڭا ۇسىنىس جاسادى، دەپ حابارلايدى "ادىرنا" ءتىلشىسى.
بۇل تۋرالى Reuters حابارلادى.
ۇسىنىس نيۋ-يوركتە ءوتىپ جاتقان بۇۇ باس اسسامبلەياسى اياسىندا قاتاردىڭ ارااعايىندىعىمەن اقش تاراپىنا جەتكىزىلگەن. جوسپارعا سايكەس، كەلىسىم جاسالعان جاعدايدا جەتى كۇن ىشىندە ورمۇز بۇعازىنداعى كەمە قاتىناسىن قالپىنا كەلتىرۋ جانە وڭىردەگى سوعىس قيمىلدارىن توقتاتۋ كوزدەلگەن. يران سىرتقى ىستەر ءمينيسترى ابباس اراكچيدىڭ ايتۋىنشا، جەتى كۇندىك كەزەڭنەن كەيىن تاراپتار يراننىڭ يادرولىق باعدارلاماسىن قوسا العاندا، باسقا ماسەلەلەر بويىنشا كەڭ اۋقىمدى كەلىسسوز باستاي الادى.
يران ءوز كەزەگىندە ۋران بايىتۋ قۇقىعىنان باس تارتپايتىنىن جانە جوعارى دەڭگەيدە بايىتىلعان ۋران قورىن ەلدەن شىعارۋعا كەلىسپەيتىنىن ايتتى.
جوسپار بويىنشا اقش يران پورتتارىنا ەنگىزىلگەن بلوكادانى الىپ تاستاپ، بۇعاتتالعان اكتيۆتەردى بوساتۋى جانە مۇناي ەكسپورتىنا قاتىستى سانكتسيالاردى جەڭىلدەتۋى ءتيىس. بۇعان جاۋاپ رەتىندە تەگەران ورمۇز بۇعازىن اشىپ، وڭىردەگى، سونىڭ ىشىندە ليۆانداعى اسكەري قيمىلداردى توقتاتۋدى ۇسىنادى.
بۇعان دەيىن The Wall Street Journal اقش پرەزيدەنتى دونالد ترامپ يراننىڭ ۇسىنىسىن قابىلداماعانىن جازعان. الايدا Reuters بۇل اقپاراتتى تاۋەلسىز تۇردە راستاي الماعانىن اتاپ ءوتتى.
قازىر يران اقش-تىڭ رەسمي جاۋابىن كۇتىپ وتىر.
