پرەزيدەنت قاسىم-جومارت توقاەۆ ماڭعىستاۋ وبلىسىندا اسكەري وقۋ-جاتتىعۋ كەزىندە قازا تاپقان اسكەري قىزمەتشىلەردىڭ تۋعان-تۋىستارى مەن جاقىندارىنا كوڭىل ايتتى، دەپ حابارلايدى "ادىرنا" ءتىلشىسى.
مەملەكەت باسشىسى ۇكىمەتتىك كوميسسياعا قايعىلى وقيعانىڭ بارلىق ءمان-جايىن انىقتاۋ ءۇشىن قاجەتتى شارالاردى قابىلداۋدى جانە قازا بولعان اسكەري قىزمەتشىلەردىڭ وتباسىلارىنا كومەك كورسەتۋدى تاپسىردى.
قايعىلى وقيعا 24 قىركۇيەكتە ماڭعىستاۋ وبلىسىندا بولعان. كاسپي تەڭىزىنىڭ جاعالاۋىندا وقۋ-جاۋىنگەرلىك مىندەتتەردى ورىنداۋ بارىسىندا اۋا رايى كۇرت ناشارلاپ، جەل كۇشەيگەن. سونىڭ سالدارىنان 19 اسكەري قىزمەتشىنى تەڭىزگە الىپ كەتكەن.
قورعانىس مينيسترلىگىنىڭ مالىمەتىنشە، ولاردىڭ توعىزى قازا تاپقان.
سونىمەن قاتار پرەمەر-ءمينيستردىڭ وكىمىمەن اسكەري قىزمەتشىلەردىڭ قازا بولۋ سەبەپتەرىن تەرگەپ-تەكسەرۋ جونىندەگى ۇكىمەتتىك كوميسسيا قۇرىلدى. كوميسسياعا پرەمەر-ءمينيستردىڭ ورىنباسارى قانات بوزىمباەۆ جەتەكشىلىك ەتەدى.
