اقوردادا ۆيتسە-پرەزيدەنت ەرلان قاريننىڭ توراعالىعىمەن يدەولوگيالىق كەڭەستىڭ كەزەكتى وتىرىسى ءوتتى، دەپ حابارلايدى “ادىرنا”.
جيىنعا پرەزيدەنت اكىمشىلىگىنىڭ قۇرىلىمدىق بولىمشەلەرى مەن الەۋمەتتىك-مادەني جانە اقپاراتتىق بلوكتارعا جەتەكشىلىك ەتەتىن ورتالىق مەملەكەتتىك ورگانداردىڭ باسشىلارى قاتىستى.
وتىرىستا ىشكى ساياساتتىڭ قازىرگى كۇن ءتارتىبى تالقىلانىپ، الداعى نەگىزگى ءىس-شارالارعا، سونىڭ ىشىندە ەڭبەك كۇنىنە دايىندىق بارىسى قارالدى.
ەرلان قارين ەڭبەكقورلىق پەن وركەندەۋ يدەولوگياسىن ىلگەرىلەتۋ باعىتىنداعى جۇمىستى جالعاستىرۋ قاجەتتىگىن اتاپ ءوتتى.
«اقپاراتتىق كەڭىستىكتە ەڭبەك ادامدارىنىڭ جەتىستىكتەرى مەن ءومىر جولىن تۇراقتى تۇردە ناسيحاتتاپ، ولاردىڭ ەلدىڭ دامۋىنا قوسىپ وتىرعان ۇلەسىن كورسەتۋ ماڭىزدى. سونداي-اق وتاندىق IT-جوبالار مەن ستارتاپتاردىڭ جەتىستىكتەرىنە، جاڭا تسيفرلىق تەحنولوگيالاردىڭ ەنگىزىلۋىنە نازار اۋدارۋ قاجەت»، – دەدى ول.
ۆيتسە-پرەزيدەنتتىڭ ايتۋىنشا، بۇل جۇمىس جەكەلەگەن ءىس-شارالارمەن شەكتەلمەي، تۇراقتى ءارى جۇيەلى تۇردە جۇرگىزىلۋى ءتيىس.
كەڭەس قورىتىندىسى بويىنشا جاۋاپتى مەملەكەتتىك ورگاندارعا ىشكى ساياساتتىڭ وزەكتى ماسەلەلەرىنە قاتىستى ناقتى تاپسىرمالار بەرىلدى.
