يسلام رەۆوليۋتسياسى ساقشىلارى كورپۋسى ورمۇز بۇعازى ماڭىندا اقش-تىڭ ۇشقىشسىز سۋاستى اپپاراتىن قولعا تۇسىرگەننەن كەيىن امەريكالىق اسكەري تەحنولوگيالارعا قول جەتكىزدى. بۇل تۋرالى Fars جازدى، دەپ حابارلايدى «ادىرنا» ءتىلشىسى.
اگەنتتىك مالىمەتىنشە، اپپارات ءتۇرلى بەلگىشتەر كەشەنىمەن، ەكولوگيالىق مونيتورينگ جۇيەلەرىمەن، كامەرالارمەن جانە دەرەكتەردى بەرۋ قۇرالدارىمەن جابدىقتالعان. سونداي-اق يران ماماندارى اۆتونومدى باسقارۋ، ناۆيگاتسيا جانە قورعالعان بايلانىس جۇيەلەرىن زەرتتەپ جاتىر.
Fars دەرەككوزدەرىنىڭ ايتۋىنشا، قولعا تۇسكەن جابدىقتى زەرتتەۋ تەگەرانعا اقش-تىڭ سۋاستى كەمە جاساۋ تەحنولوگيالارى تۋرالى مالىمەت الۋعا مۇمكىندىك بەرۋى مۇمكىن. ودان بولەك، يران بۇل اقپاراتتى ءوز ۇشقىشسىز سۋاستى اپپاراتتارىن جاساۋ كەزىندە كەرى ينجينيرينگ ماقساتىندا پايدالانۋى ىقتيمال.
