اقش پرەزيدەنتى دونالد ترامپ TikTok بويىنشا كەلىسىمگە قول قويدى. قۇجاتقا سايكەس، الەۋمەتتىك جەلىنىڭ 80% اكتسياسى امەريكالىق كورپوراتسيالاردىڭ باقىلاۋىنا وتەدى جانە ەل اۋماعىندا جۇمىسىن جالعاستىرا الادى، دەپ حابارلايدى "ادىرنا".
ترامپ TikTok-تىڭ "تولىقتاي امەريكالىقتاردىڭ باقىلاۋىندا بولاتىنىن" اتاپ ءوتتى. ونىڭ سوزىنشە، قىتاي توراعاسى سي تسزينپين بۇل جوسپارلاردى ماقۇلداعان.
مامىلەگە Dell Technologies كومپانياسىنىڭ نەگىزىن قالاۋشى، توراعاسى جانە باس ديرەكتورى مايكل دەلل; Fox News يەسى Fox Corp كومپانياسىنىڭ توراعاسى رۋپەرت مەردوك، News Corp گازەتىنىڭ باسپاگەرى جانە الەمدىك دەڭگەيدەگى ءتورت-بەس ينۆەستور قاتىسۋى مۇمكىن.
ۆيتسە-پرەزيدەنت دجەي دي ۆەنس جاڭا امەريكالىق كومپانيانىڭ قۇنى شامامەن 14 ملرد دوللار بولاتىنىن ايتتى، بۇل كەيبىر ساراپشىلاردىڭ باعالاۋلارىنان ەداۋىر تومەن.
Reuters دەرەككوزدەرىنىڭ حابارلاۋىنشا، Oracle جانە Silver Lake كومپانيالارىن قوسا العاندا ءۇش ينۆەستور TikTok US اكتسيالارىنىڭ شامامەن 50%-ىن ساتىپ الادى. ByteDance قازىرگى اكتسيونەرلەرىنە شامامەن 30% اكتسيا تيەسىلى بولادى.
ەسكە سالايىق، بۇعان دەيىن اقش پەن قىتاي TikTok بويىنشا ورتاق شەشىمگە كەلگەن بولاتىن.
