İslam revoliusiiasy saqşylary korpusy Ormūz būǧazy maŋynda AQŞ-tyŋ ūşqyşsyz suasty apparatyn qolǧa tüsırgennen keiın amerikalyq äskeri tehnologiialarǧa qol jetkızdı. Būl turaly Fars jazdy, dep habarlaidy «Adyrna» tılşısı.
Agenttık mälımetınşe, apparat türlı belgışter keşenımen, ekologiialyq monitoring jüielerımen, kameralarmen jäne derekterdı beru qūraldarymen jabdyqtalǧan. Sondai-aq İran mamandary avtonomdy basqaru, navigasiia jäne qorǧalǧan bailanys jüielerın zerttep jatyr.
Fars derekközderınıŋ aituynşa, qolǧa tüsken jabdyqty zertteu Tegeranǧa AQŞ-tyŋ suasty keme jasau tehnologiialary turaly mälımet aluǧa mümkındık beruı mümkın. Odan bölek, İran būl aqparatty öz ūşqyşsyz suasty apparattaryn jasau kezınde kerı injiniring maqsatynda paidalanuy yqtimal.
