قوقيقازداردىڭ مەكەن ەتۋ ورتاسىن ساقتاۋ ءۇشىن قورعالجىن قورىعىنا 40 ملن تەكشە مەتر سۋ جىبەرىلدى. بۇل تۋرالى 7 قىركۇيەكتە سۋ رەسۋرستارى جانە يرريگاتسيا مينيسترلىگى جازدى، دەپ حابارلايدى «ادىرنا» ءتىلشىسى.
«قازسۋشار» رمك تەڭىز-قورعالجىن كولدەر جۇيەسىنىڭ سۋ تەڭگەرىمىن ساقتاۋ جانە بيولوگيالىق ارتۇرلىلىكتى قورعاۋ ماقساتىندا جىل سايىن جۇرگىزىلەتىن تابيعاتتى قورعاۋ ماقساتىنداعى سۋ جىبەرۋ جۇمىستارىن جۇرگىزدى. وسى ماقساتقا 40 ملن تەكشە مەتر سۋ جىبەرىلدى. جۇمىستارعا كاسىپورىننىڭ ءۇش فيليالى - «ق. ساتباەۆ اتىنداعى كانال» فيليالى، سونداي-اق قاراعاندى جانە اقمولا فيليالدارى قاتىستى»،– دەلىنگەن حابارلامادا.
مينيسترلىك تابيعاتتى قورعاۋ ماقساتىنداعى سۋ جىبەرۋ جۇمىستارى قازاقستاننىڭ بارلىق اۋماعىندا جىل سايىن جۇرگىزىلەتىنىن ءتۇسىندىردى. سۋ نىساندارىن ساقتاۋ جانە جەرگىلىكتى ەكوجۇيەلەردى قولداۋ ءۇشىن ميللياردتاعان تەكشە مەتر سۋ باعىتتالادى.
