ايدىن ايىمبەتوۆ «قازاقستان عارىش ساپارى» ۇك باسقارما توراعاسى بولىپ تاعايىندالدى

1609

كومپانيا ديرەكتورلار كەڭەسىنىڭ شەشىمىمەن ايىمبەتوۆ ايدىن اقانۇلى «قازاقستان عارىش ساپارى» ۇك» اق باسقارماسىنىڭ توراعاسى لاۋازىمىنا تاعايىندالدى، دەپ حابارلايدى "ادىرنا" ۇلتتىق پورتالى.

قر تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ ءباسپاسوز قىزمەتىنە سىلتەمە جاساپ. ايدىن ايىمبەتوۆ 1972 جىلى تالدىقورعان وبلىسىندا دۇنيەگە كەلگەن.

قر اسكەري-اۋە كۇشتەرى قاتارىندا ۇشقىش-جاۋىنگەر جانە اۋە كومانديرى رەتىندە قىزمەت اتقاردى. 2015 جىلعى قىركۇيەكتە «سويۋز تما-18م» عارىش كەمەسىنىڭ بورتينجەنەرى رەتىندە حالىقارالىق عارىش ستانتسياسىنا ۇشتى.

قازاقستان رەسپۋبليكاسىنىڭ كۆازيمەملەكەتتىك جانە مەملەكەتتىك سەكتورلارىندا باسشىلىق لاۋازىمدارىندا جۇمىس اتقاردى:

2009-2010 جج. – قر ۇلتتىق عارىش اگەنتتىگى توراعاسىنىڭ كەڭەسشىسى; 2010-2011 جج. – قر ۇعا عارىش قىزمەتىن دامىتۋ دەپارتامەنتىنىڭ ديرەكتورى;

2011-2014 جج. – «ۇعزتو» اق «سۇلتانعازين اتىنداعى عارىشتىق زەرتتەۋلەر ينستيتۋتى» ەجشس عارىشتىق تەحنولوگيالاردى اقپاراتتىق-وقىتۋشىلىق قامتاماسىز ەتۋ باسقارما باسشىسىنىڭ ورىنباسارى;

2014-2016 جج. – «ۇعزتو» اق «عارىشتىق تەحنيكا جانە تەحنولوگيالار ينستيتۋتى» ەجشس ديرەكتورىنىڭ ورىنباسارى;

2016-2019 جج. – «قازاقستان عارىش ساپارى» ۇك» اق عارىش جۇيەلەرىن جاساۋ جانە پايدالانۋ جونىندەگى ۆيتسە-پرەزيدەنتى.

2019-2021 جج. – «قازاقستان عارىش ساپارى» ۇك» اق باسقارما توراعاسىنىڭ ورىنباسارى-ءوندىرىس جونىندەگى باسقارما مۇشەسى.

2021 جىلعى 13 قىركۇيەكتەن باستاپ «قازاقستان عارىش ساپارى» ۇك» اق باسقارما توراعاسى بولىپ تابىلادى.

ايدىن ايىمبەتوۆ - قر ۇشقىش-عارىشكەرى، اۋە گەنەرال-مايورى. مەملەكەتتىك ناگرادا مەن قۇرمەت اتاقتارىنا يە: «حالىق قاھارمانى»، «قازاقستاننىڭ عارىشكەر-ۇشقىشى»، «وتان» وردەنى.

"ادىرنا" ۇلتتىق پورتالى

پىكىرلەر
ۇقساس جاڭالىقتار
Серіктестер/Партнеры
Студия IMA - создание сайтов Доставка цветов Астана - Lova Buket