فوتو: Elements.envato.com
قازاقستاندا 60 ەنەرگيا ءوندىرۋشى ۇيىمنىڭ ەلەكتر ەنەرگياسىنا ارنالعان شەكتى تاريفتەرىن وزگەرتۋ جوسپارلانىپ وتىر. جاڭا تاريفتەردى 2026 جىلعى 10 قىركۇيەكتەن باستاپ قولدانىسقا ەنگىزۋ كوزدەلگەن، دەپ حابارلايدى “ادىرنا”.
ەنەرگەتيكا مينيسترلىگى ازىرلەگەن بۇيرىق جوباسىنا سايكەس، تاريفتەردى قايتا قاراۋ ەلدەگى ەلەكتر ەنەرگياسىمەن تۇراقتى قامتاماسىز ەتۋدى جانە گەنەراتسيالايتىن قۋاتتاردى كەزەڭ-كەزەڭىمەن جاڭعىرتۋدى ماقسات ەتەدى.
ۆەدومستۆونىڭ مالىمەتىنشە، تاريفتەردى تۇزەتۋ ەنەرگيا وندىرۋشىلەرگە جوندەۋ جۇمىستارىن ۋاقىتىلى جۇرگىزۋگە، سونداي-اق جابدىقتاردىڭ سەنىمدىلىگىن ارتتىرۋعا جانە ولاردى جاڭارتۋ جونىندەگى ۇزاق مەرزىمدى باعدارلامالاردى جۇزەگە اسىرۋعا قاجەتتى قارجىلىق مۇمكىندىك بەرەدى.
قۇجاتتا جاڭارتىلعان تاريفتەردى ەنگىزۋ مەرزىمى 10 قىركۇيەك دەپ كورسەتىلگەن.
