رەسەي پرەزيدەنتىنىڭ ءباسپاسوز حاتشىسى دميتري پەسكوۆ قىرعىز ءتىلىن شامامەن 40 پايىز تۇسىنەتىنىن ايتتى، دەپ حابارلايدى "ادىرنا" ءتىلشىسى.
بۇل تۋرالى ول بىشكەكتە ءوتىپ جاتقان شانحاي ىنتىماقتاستىق ۇيىمىنىڭ ءسامميتى اياسىندا «نوماد تۆ» تەلەارناسىنا بەرگەن سۇحباتىندا ايتتى.
پەسكوۆتىڭ سوزىنشە، قىرعىز ءتىلىن ۇزاق ۋاقىت تىلدىك ورتادا بولعان جاعدايدا ءتۇسىنۋ دەڭگەيى ارتا ءتۇسۋى مۇمكىن.
ول قىرعىز جانە تۇرىك تىلدەرىنىڭ اراسىندا ۇقساستىق كوپ ەكەنىن اتاپ ءوتتى. اتاپ ايتقاندا، ەكى ءتىلدىڭ ءسوز تۇبىرلەرى، تىلدىك جۇيەسى جانە كەيبىر دىبىستالۋى ۇقساس ەكەنىن ايتتى.
دميتري پەسكوۆ تۇرىك ءتىلىن جاقسى مەڭگەرگەن. قىرعىز جانە تۇرىك تىلدەرى تۇركى تىلدەرى توبىنا جاتادى.
ۇقساس جاڭالىقتار
