يتاليا ۇكىمەتى 85 جاستان اسقان جۇرگىزۋشىلەرگە اۆتوماتتى تۇردە شەكتەۋ قويۋ جوسپارىنان باس تارتتى، دەپ حابارلايدى “ادىرنا” ءتىلشىسى.
بۇعان دەيىن ولارعا اۆتوماگيسترالمەن جۇرۋگە جانە ۇيىنەن 100 شاقىرىمنان استام قاشىقتا كولىك جۇرگىزۋگە تىيىم سالۋ ۇسىنىلعان.
ەندى بۇل جاستاعى جۇرگىزۋشىلەرگە مەديتسينالىق تەكسەرۋ تالاپتارىن كۇشەيتۋ جوسپارلانىپ وتىر.
ال قازاقستاندا 65 جاستان اسقان جۇرگىزۋشىلەر مەديتسينالىق تەكسەرۋدەن ەكى جىل سايىن وتۋگە مىندەتتى. دەنساۋلىق جاعدايى كولىك باسقارۋعا جارامسىز دەپ تانىلسا، جۇرگىزۋشىنىڭ قۇقىعى توقتاتىلۋى مۇمكىن.
مامانداردىڭ ايتۋىنشا، جاس ۇلعايعان سايىن كورۋ، ەستۋ، رەاكتسيا جىلدامدىعى مەن زەيىنگە قاتىستى وزگەرىستەر بولۋى مۇمكىن. دەگەنمەن ادامنىڭ جاسى كولىك جۇرگىزۋگە اۆتوماتتى تۇردە تىيىم سالۋعا نەگىز ەمەس.
ۇقساس جاڭالىقتار
