الماتى پوليتسياسى ادام ۇرلىعىنىڭ بەتىن اشتى. بۇل تۋرالى Polisia.kz. مالىمدەدى، دەپ حابارلايدى “ادىرنا” ۇلتتىق پورتالى.
اقپارات بويىنشا، 40 جاستاعى الماتىلىق قىلمىسكەرلەردىڭ قۇربانى بولعان. ونى الماتى قالاسى المالى اۋدانىندا ورنالاسقان تۇرعىن ءۇي اۋماعىنان ۇرلاپ كەتكەن.
"ۇرلانعان ازاماتتىڭ ايەلى پوليتسياعا ارىزبەن جۇگىنگەن. دەرەۋ ارنايى جەدەل-تەرگەۋ توبى قۇرىلىپ، العاشقى ءىس-شارالار كەشەنى جۇرگىزىلدى، بۇل ۇرلاۋشىلاردىڭ جەكە باسىن جانە ولاردىڭ جابىرلەنۋشىنى قاي جەردە ۇستاپ وتىرعانىن جىلدام انىقتاۋعا مۇمكىندىك بەردى. ەر ادامدى بوساتۋ بويىنشا ارنايى ءىس-شارا قالانىڭ تۇركسىب اۋدانىنداعى قويمالار اۋماعىندا جۇرگىزىلدى. ءتورت ادام ۇستالدى. ولار بۇرىن بوپسالاۋ جانە بۇزاقىلىق ءۇشىن سوتتالعان. ۇرلانعان ازامات امان-ەسەن بوساتىلدى. ونى قاتتى سوققىعا جىققان جانە وعان مەديتسينالىق كومەك قاجەت بولدى. جابىرلەنۋشىنىڭ ايتۋىنشا، بەيتانىس ادامدار ونى بوساتۋ ءۇشىن 200 مىڭ دوللار تالاپ ەتكەن، ايتپەسە گەروينى بار ينەكتسيا ەنگىزەمىز دەپ قورقىتقان", - دەيدى الماتى قالالىق پوليتسيا دەپارتامەنتى باستىعىنىڭ ورىنباسارى ديدار احانوۆ.
قىلمىستىڭ ناقتى سەبەبى قر قك-ءنىڭ 125-بابى 2-بولىگىمەن تىركەلدى. تەرگەۋ بارىسىندا ءىستىڭ ءمان-جايى بەلگىلى بولادى. كۇدىكتىلەر قاماۋعا الىندى.
