وزبەكستان پرەزيدەنتى شاۆكات ميرزيوەۆ تاۋەلسىزدىك كۇنىنىڭ قۇرمەتىنە 852 ادامعا راقىمشىلىق جاساۋ تۋرالى جارلىققا قول قويدى، دەپ حابارلايدى "ادىرنا" ءتىلشىسى.
بۇل تۋرالى وزبەكستاننىڭ ۇلتتىق اقپارات اگەنتتىگى حابارلادى.
جارلىققا سايكەس، 604 ادام جازادان تولىق بوساتىلادى. 115 سوتتالعان شارتتى تۇردە مەرزىمىنەن بۇرىن بوساتىلدى. تاعى 52 ادامنىڭ جازاسى جەڭىلدەتىلىپ، 81 ادامنىڭ باس بوستاندىعىنان ايىرۋ مەرزىمى قىسقارتىلدى. راقىمشىلىق جاسالعانداردىڭ اراسىندا جەتى شەتەل ازاماتى، 49 ايەل، 60 جاستان اسقان 37 ەر ادام جانە 375 جاس بار. سونداي-اق ولاردىڭ 63-ءى بۇعان دەيىن قىزمەتىنە تىيىم سالىنعان ۇيىمداردىڭ جۇمىسىنا قاتىسقانى ءۇشىن سوتتالعان. وزبەكستاندا راقىمشىلىق تۋرالى جارلىق، ادەتتە، جىلىنا ءۇش رەت – رامازان ايت، 1 قىركۇيەكتە اتاپ وتىلەتىن تاۋەلسىزدىك كۇنى جانە 8 جەلتوقسانداعى كونستيتۋتسيا كۇنى قارساڭىندا شىعارىلادى.
شاۆكات ميرزيوەۆ 2017 جىلى بيلىككە كەلگەننەن بەرى 31 راقىمشىلىق تۋرالى جارلىققا قول قويعان. ولاردىڭ نەگىزىندە جالپى 10 567 سوتتالعان قامتىلعان.
وزبەكستان 1991 جىلى 31 تامىزدا ءوز تاۋەلسىزدىگىن جاريالاعان بولاتىن.
